''احسان اللہ کی کہنی کی انجری کی غلط تشخیص کی گئی جسکی وجہ سے انکی سرجری ناکام ہوئی"، علی ترین کا تہلکہ خیز انکشاف

احسان اللہ کو رواں ماہ انگلینڈ بھیج رہے ہیں، جہاں ماہر سرجن ان کا معائنہ کریں گے : مالک ملتان سلطانز

ذیشان مہتاب جمعرات 4 اپریل 2024 11:20

''احسان اللہ کی کہنی کی انجری کی غلط تشخیص کی گئی جسکی وجہ سے انکی سرجری ..

ملتان (اردو پوائنٹ تازہ ترین اخبار ۔ 4 اپریل 2024ء ) پاکستان سپر لیگ کی فرنچائز ملتان سلطانز کے مالک علی ترین نے فاسٹ بولر احسان اللہ کا علاج انگلینڈ سے کروانے کا فیصلہ کرلیا ہے۔ علی ترین کا کہنا ہے کہ احسان اللہ کی کہنی کی انجری کی غلط تشخیص کی گئی جس کی وجہ سے ان کی سرجری ناکام ہوئی۔ انہوں نے کہا کہ ملتان سلطانز نے کہنی کی انجری کے باوجود احسان اللہ کو پی ایس ایل 9 میں ریٹین کیا جس کا مقصد ملتان سلطان کے فیزیو، اسٹرینتھ کنڈیشننگ کوچ کے ساتھ کام کرنا تھا۔

(جاری ہے)

علی ترین نے بتایا کہ احسان اللہ کو رواں ماہ انگلینڈ بھیج رہے ہیں، جہاں ماہر سرجن ان کا معائنہ کریں گے۔ پی سی بی نے ہمیں احسان اللہ کے انگلینڈ میں علاج کی اجازت دے دی ہے۔ واضح رہے کہ فاسٹ بولر احسان اللہ نے پی ایس ایل 8 میں ملتان سلطانز کی نمائندگی کرتے ہوئے بہترین کارکردگی دکھائی تھی۔