انگلش پریمیئر لیگ کے دلچسپ مقابلے جاری، منگل کو واحد میچ میں کرسٹل پیلس اور مانچسٹر یونائیٹڈ کی ٹیمیں آمنے سامنے ہوں گی

پیر 6 مئی 2024 16:19

لندن (اُردو پوائنٹ اخبارتازہ ترین - اے پی پی۔ 06 مئی2024ء) انگلش پریمیئر لیگ کے 32 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔ ای پی ایل میں (کل) بروز منگل کو مزید ایک میچ کا فیصلہ ہوگا۔ میچ کرسٹل پیلس اور مانچسٹر یونائیٹڈ کی ٹیموں کے درمیان سیلہرسٹ پارک، لندن میں کھیلا جائے ۔

(جاری ہے)

مانچسٹر یونائیٹڈ کی ٹیم 34 میچز کھیل چکی ہے جن میں اس کو 16 میں فتح اور 12 میچز میں شکست کا سامنا کرنا پڑا تھا، مانچسٹر یونائیٹڈ کی ٹیم 54 پوائنٹس کے ساتھ ای پی ایل ٹیبل پر آٹھویں نمبر پر ہے جبکہ کرسٹل پیلس کی ٹیم 35 میچز کھیل چکی ہے جن میں اس کو 10 میچز میں فتح اور 15 میں شکست ہوئی اور وہ ای پی ایل پوائنٹس ٹیبل پر 40 پوائنٹس کے ساتھ 14 ویں نمبر پر ہے۔

یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے جس کے شیڈول کا اعلان 15 جون 2023 کو کیا گیا تھا۔ مانچسٹر سٹی کی ٹیم ای پی ایل میں اپنے اعزاز کا دفاع کے لئے کوشاں ہے ، ای پی ایل میں اب تک کھیلے گئے میچز کے بعد آرسنل کی ٹیم سب سے زیادہ 83 پوائنٹس کے ساتھ ٹیبل پر سر فہرست ہے ، دفاعی چیمپئن مانچسٹر سٹی کی ٹیم 82 پوائنٹس کے ساتھ دوسرے جبکہ لیورپول کی ٹیم 78پوائنٹس کے ساتھ ٹیبل پر تیسرے نمبر پر ہیں۔\932

Facebook Twitter Google + Share on Whatsapp

انگلش پریمیئر لیگ کے دلچسپ مقابلے جاری، منگل کو واحد میچ میں کرسٹل پیلس اور مانچسٹر یونائیٹڈ کی ٹیمیں آمنے سامنے ہوں گی

متعلقہ عنوان :

مزید کھیلوں کی خبریں