جارجیا کی پارلیمنٹ اکھاڑا بن گئی، پارلیمانی لیڈر کو مکا مار دیا گیا

اپوزیشن رکن پارلیمنٹ الیکو ایلیساشولی آئے اور انہیں مکا مار کر ڈائس سے دور کردیا

منگل 16 اپریل 2024 12:23

جارجیا (اُردو پوائنٹ اخبارتازہ ترین - این این آئی۔ 16 اپریل2024ء) جارجیا کے اپوزیشن رکن پارلیمنٹ نے اپنے حریف کو زور دار مکا دے مارا جس کے بعد ایوان اکھاڑا بن گیا۔ جارجیا کی حکمراں جماعت ڈریم پارٹی کے پارلیمانی سربراہ ایوان میں ایک بل پیش کر رہے تھے کہ اس دوران اپوزیشن رکن پارلیمنٹ نے ان پر دھاوا بول دیا۔

(جاری ہے)

ایوان کی کارروائی نیشنل ٹیلی ویڑن پر براہ راست نشر کی جارہی تھی، اس دوران مموکا مدینارازے متنازع بل پاس کروانے کی کوشش میں اس سلسلے میں تقریر کر رہے تھے کہ اپوزیشن رکن پارلیمنٹ الیکو ایلیساشولی آئے اور انہیں مکا مار کر ڈائس سے دور کردیا۔

اس کے فوراً بعد ہی دونوں اطراف سے اراکین پارلیمنٹ لڑنے کیلیے دوڑ پڑے اور ایوان اکھاڑے کا منظر پیش کرنے لگا، تاہم اسی دوران براہِ راست ٹیلی کاسٹ کو بند کردیا گیا۔