اسلام آباد ایئر پورٹ آئوٹ سورسنگ کیلئے مئی کے وسط تک تیار ہو جائے گا، خواجہ آصف

اسلام آباد کے بعد لاہور اور کراچی ایئر پورٹ بھی آئوٹ سورسنگ کے لیے تیار کر لیے جائیں گے، وزیر دفاع

بدھ 17 اپریل 2024 15:26

اسلام آباد ایئر پورٹ آئوٹ سورسنگ کیلئے مئی کے وسط تک تیار ہو جائے ..

اسلام آباد (اُردو پوائنٹ اخبارتازہ ترین - این این آئی۔ 17 اپریل2024ء) وزیر دفاع خواجہ آصف نے کہا ہے کہ اسلام آباد ایئر پورٹ آوٹ سورسنگ کے لیے مئی کے وسط تک تیار ہو جائے گا۔وزیرِ دفاع خواجہ آصف نے اپنے ایک بیان میں کہا کہ ہمارا ہدف لاہور، کراچی، اسلام آباد کے ہوائی اڈوں کو آوٹ سورس کرنا ہے، ویزا پالیسی کی مشکلات پر قابو پاکر ملک قابلِ رسائی بنانا ہے۔

(جاری ہے)

انہوںنے کہاکہ اسلام آباد کے بعد لاہور اور کراچی ایئر پورٹ بھی آئوٹ سورسنگ کے لیے تیار کر لیے جائیں گے۔وزیرِ دفاع نے کہا کہ پی آئی اے کو جلد ہی یورپی یونین اور برطانیہ سے کلیئرنس مل جائے گی۔خواجہ آصف نے کہا کہ ہم بھرپور طریقے سے اس معاملے پر کام کر رہے ہیں۔انہوں نے کہا کہ ہماری ویزا پالیسی پرانی ہے، دہائیوں پرانی ذہنیت اب بھی کام کر رہی ہے، ویزا پالیسی کی مشکلات پر قابو پالیں گے، اپنا ملک قابلِ رسائی بنائیں گے۔وزیرِ دفاع خواجہ آصف نے کہا کہ مسائل سے پوری طرح واقف ہیں، انہیں جلد حل کر لیا جائے گا۔