]سات روزہ پولیو مہم 29 اپریل سے شروع کی جائے گی

پانچ سال سے کم عمر بچوں کو پولیو ویکسین پلانے کا ٹارگٹ ہے،ڈپٹی کمشنر کی زیر صدارت جائزہ اجلاس

بدھ 17 اپریل 2024 18:10

۷اسلام آباد(اُردو پوائنٹ اخبارتازہ ترین - آن لائن۔ 17 اپریل2024ء) انسدادِ پولیو مہم کے حوالے سے جائزہ اجلاس ڈپٹی کمشنر اسلام آباد عرفان نواز میمن کی صدارت میں ہوا ، اجلاس میں ایڈیشنل ڈپٹی کمشنرز ، اسسٹنٹ کمشنرز ، محکمہ صحت کے نمائندگان اور دیگر اسٹیک ہولڈرز نے شرکت کی،اسسٹنٹ کمشنرز اور محکمہ صحت کے نمائندگان نے اجلاس میں انسداد پولیو مہم کے حوالے سے بریفنگ دی ،اجلاس میں فیصلہ کیا گیا کہ انسدادِ پولیو مہم سات روز کے لئے 29 اپریل سے شروع کی جائیگی ،ڈپٹی کمشنر نے کہا کہ اسلام آباد میں پانچ سال سے کم عمر بچوں کو پولیو ویکسین پلانے کا ٹارگٹ ہے، جن کو پولیو ٹیم اور ہیلتھ ورکرز گھر گھر جا کر پولیو کے قطرے پلائیں گے، پولیو ٹیم اور ہیلتھ ورکرز پبلک مقامات ،بس سٹینڈز اور دیگر جگہوں پر بچوں کو پولیو کے قطرے پلائیں گے ،بچوں کو پولیو کے دو قطرے ضرور پلائیں اور پولیو سے محفوظ پاکستان بنائیں۔