جلد ماں بننے والی دیپیکا پڈوکون آج کل سلائی کڑھائی میں مصروف

بدھ 17 اپریل 2024 18:11

×ممبئی (اُردو پوائنٹ اخبارتازہ ترین - آن لائن۔ 17 اپریل2024ء) بالی ووڈ کی صفِ اول کی اداکارہ و سپر ماڈل دیپیکا پڈوکون رواں سال ستمبر میں اپنے پہلے بچے کو خوش آمدید کہنے والی ہیں۔اداکارہ آج کل اپنے حمل سے لطف اندوز ہو رہی ہیں اور کڑھائی کر کے اپنی صلاحیتوں کو آزما رہی ہیں۔

(جاری ہے)

دیپیکا پڈوکون نے اپنے سوشل میڈیا اکاونٹ انسٹاگرام پر ایک نئی تصویر شیئر کی ہے جس میں انہوں نے بتایا ہے کہ آج کل وہ کڑھائی کے فن اور اس کی باریکیوں سے محظوظ ہو رہی ہیں۔

دیپیکا نے اپنے ایک نامکمل شاہکار کی جھلک کے ساتھ نوٹ لکھا ہے امید ہے کہ میں مکمل نمونہ شیئر کرنے کے قابل ہو جائوں گی۔یاد رہے کہ اداکارہ دیپیکا پڈوکون اور اداکار رنویر سنگھ نے 29 فروری 2024 کو مداحوں کو اپنے ہاں جلد ننھے مہمان کی آمد سے متعلق خوشخبری سنائی تھی۔اس پوسٹ میں دیپیکا اور رنویر نے انکشاف کیا تھا کہ ان کے ہاں ستمبر 2024 میں پہلے بچے کی پیدائش متوقع ہے۔

Facebook Twitter Google + Share on Whatsapp

جلد ماں بننے والی دیپیکا پڈوکون آج کل سلائی کڑھائی میں مصروف

متعلقہ عنوان :

مزید فن و فنکار کی خبریں