اے آر رحمان کی کال مس کرنے پر پوری رات رویا، کپل شرما کا انکشاف

جمعرات 18 اپریل 2024 10:35

ممبئی (اُردو پوائنٹ اخبارتازہ ترین - این این آئی۔ 18 اپریل2024ء) بھارتی کامیڈین اور دی گریٹ انڈین کپل شو کے میزبان کپل شرما کا کہنا ہے کہ وہ عالمی شہرت یافتہ موسیقار و گلوکار اے آر رحمان کی کال مس کرنے پر پوری رات روئے تھے۔کپل کا اس حوالے سے کہنا تھا کہ رحمان سر چاہتے تھے میں چمکیلا کا حصہ بنوں۔ اسٹیج کے پیچھے ہونے والی گفتگو پر مبنی کلپ میں اپنے مخصوص طنز و مزاح کے انداز میں گفتگو کرتے ہوئے کپل شرما نے انکشاف کیا کہ انھیں اے آر رحمان نے فون کیا لیکن وہ اسے مس کر گئے۔

(جاری ہے)

انھوں نے بتایا کہ فلم امر سنگھ چمکیلا کے میوزک کمپوزر اے آر رحمان سے جب ملاقات کی تو انھوں نے کہا کہ وہ مجھے چمکیلا کے لیے فون کر رہے تھے۔میں سمجھا کہ وہ چاہتے ہیں کہ میں کوئی گانا گائوں یا کچھ اور کروں۔ میرا خیال ہے کہ وہ مجھ سے مذاق کر رہے تھے۔ شو دیکھنے والے نیٹیزن کا کہنا ہے کہ دی گریٹ انڈین کپل شو کی حالیہ قسط بہت پرلطف تھی۔ اس قسط میں پنجابی اداکار دلجیت دوسنجھ، پرینیتی چوپڑا اور فلم امر سنگھ چمکیلا کے ڈائریکٹر امیتاز علی اپنی نئی فلم کی پروموشن کرتے نظر آئے۔