اسرائیل کے خلاف آپریشن نے ہماری اتھارٹی، ہمارے عوام کی فولاد جیسی قوت ارادی اور ہمارے اتحاد کو ظاہر کیا ہے .ایرانی صدر
روس نے اسرائیل پر واضح کر دیا ہے کہ ایران کشیدگی میں اضافہ نہیں چاہتا ایران اور اسرائیلی کی قیادت سے ٹیلی فون پر رابطے ہوئے ہیں.روسی وزیرخارجہ
میاں محمد ندیم جمعہ 19 اپریل 2024 18:05
(جاری ہے)
ایران کے دفاعی شراکت دار روس کے وزیر خارجہ سرگئی لاوروف نے کہا ہے کہ روس نے اسرائیل پر واضح کر دیا ہے کہ ایران کشیدگی میں اضافہ نہیں چاہتا انہوں نے کہا کہ روس اور ایران کی قیادت، ہمارے نمائندوں اور اسرائیلیوں کے درمیان ٹیلی فون پر رابطے ہوئے ہیں. وزیرخارجہ لاوروف نے روسی ریڈیو سٹیشن کو انٹرویو دیتے ہوئے کہا کہ ہم نے اس بات چیت میں بالکل واضح کر دیا ہم نے اسرائیلیوں سے کہا کہ ایران کشیدگی میں اضافہ نہیں چاہتا ادھرامریکی جریدے” واشنگٹن پوسٹ“ نے ایک اسرائیلی عہدے دار کے حوالے سے کہا کہ اسرائیلی فوج نے ہی 13 اپریل کو ایران کے جوابی حملے کے ردعمل میں 19 اپریل کو ایران کے اندر حملے کیے ہیں”واشنگٹن پوسٹ“ کے مطابق نام ظاہر نہ کرنے کی شرط پر اسرائیلی عہدے دار نے کہا کہ اس کا مقصد ایران کو یہ پیغام دینا ہے کہ اسرائیل ان کے ملک کے اندر حملہ کرنے کی صلاحیت رکھتا ہے جریدے نے حملے کے بارے میں بریفنگ سے واقف ایک شخص کا بھی حوالہ دیا جنہوں نے نام ظاہر نہ کرنے کی شرط پر کہا کہ حملے کی منصوبہ بندی احتیاط کے ساتھ کی گئی. اطالوی وزیر خارجہ انتونیو تاجانی کے مطابق امریکہ نے جی سیون کے وزرائے خارجہ کو بتایا کہ اسے اسرائیل نے ایران پر حملے کے بارے میں ”آخری لمحات“ میں اطلاع دی گئی تاجانی نے کیپری میں صحافیوں کو بتایا کہ امریکہ نے یہ معلومات صبح کے ایک سیشن میں فراہم کیں جسے حملے سے نمٹنے کے لیے آخری لمحات میں تبدیل کر دیا گیا تھاانہوں نے یہ بھی کہا کہ ایران میں رہنے والے اطالوی باشندے بغیر کسی پریشانی کے ہیں . برطانیہ کے وزیر اعظم رشی سونک نے ایران پر اسرائیل کی جانب سے جوابی حملے کی اطلاعات کے بعد امید ظاہر کی ہے کہ مشرقِ وسطیٰ کے حالات سے نمٹنے کے لیے صبر و تحمل کا مظاہرہ کیا جائے گا انہوں نے ایک تقریب سے خطاب میں کہا کہ ہم اتحادیوں کے ساتھ مل کر تفصیلات کی تصدیق کرنے کے لیے کام کر رہے ہیں آپ جانتے ہیں کہ ہم نے ہفتے کے روز اسرائیل کے خلاف ایران کے لاپروا اور خطرناک میزائل حملے کی مذمت کی ہے اور اسرائیل کو اپنے دفاع کا مکمل حق حاصل ہے لیکن جیسا کہ میں نے گذشتہ ہفتے وزیر اعظم نتن یاہو سے بات کرتے ہوئے کہا تھا اور عام طور پر کشیدگی کسی کے مفاد میں نہیں ہے ہم جو دیکھنا چاہتے ہیں وہ یہ ہے کہ پورے خطے میں پرامن ماحول قائم رہے. چین نے کہا ہے کہ وہ مشرق وسطیٰ میں کشیدگی کو کم کرنے کے لیے تعمیری کردار ادا کرتا رہے گا چینی وزارت خارجہ کی ترجمان لین جیان کا یہ بیان ایک ایسے وقت میں سامنے آیا ہے جب ایرانی ذرائع ابلاغ میں آنے والی خبروں کے مطابق ایرانی شہر اصفہان کے قریب دھماکوں کی آوازیں سنی گئی تھیں اور امریکی میڈیا نے امریکی حکام کے حوالے سے رپورٹ کیا تھا کہ اسرائیل نے اپنے روایتی حریف ایران پر جوابی حملے کیے ہیں ترجمان کا کہنا تھا کہ چین کشیدگی کو مزید بڑھانے والے کسی بھی اقدام کی مخالفت کرتا ہے اور اس میں کمی کے لیے تعمیری کردار ادا کرتا رہے گا.
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.