… سوشل میڈیا پر ریٹرننگ آفیسر این اے۔8 باجوڑ سے منسوب 19 اپریل کا خط جعلی اور پراپیگنڈا ہے ،ترجمان الیکشن کمیشن

ہفتہ 20 اپریل 2024 22:50

اسلام آباد(اُردو پوائنٹ اخبارتازہ ترین - آن لائن۔ 20 اپریل2024ء) ترجمان الیکشن کمیشن نے کہا ہے کہ سوشل میڈیا پر ریٹرننگ آفیسر این اے۔8 باجوڑ سے منسوب 19 اپریل کا خط v جعلی اور بطور پراپیگنڈا استعمال کیا جا رہا ہے۔

(جاری ہے)

متعلقہ ریٹرننگ آفیسر نی19 اپریل ہی کو اس خط کی وضاحت کرتے ہوئے ڈپٹی کمشنر/ڈسٹرکٹ ریٹرننگ آفیسر باجوڑ کو تحریری طور پر بتا دیا تھا کہ یہ جعلی لیٹر ہے جسے نظر انداز کر دیا جائے۔

ریٹرننگ آفیسر کا وضاحتی خط میڈیا سے بھی شیئر کیا جا رہا ہے۔الیکشن کمیشن واضح کرتا ہے کہ این اے 8 باجوڑ میں انتخابات کی تیاری کا عمل خوش اسلوبی سے مکمل کر لیا گیا ہے جس کی تصدیق ریٹرننگ آفیسر نے کر دی ہے۔کل اس انتخابی حلقہ سمیت تمام متعلقہ انتخابی حلقوں میں ضمنی انتخابات کے لیے پولنگ ہو گی جس میں عوام بلا خوف و خطر اپنا حق رائے دہی استعمال کریں۔