گورنرسندھ کی دیوالی پر صوبے بھر کی ہندو برادری کومبارکباد

پاکستان میں ہندو برادری سمیت تمام اقلیتوں کو مکمل مذہبی آزادی حاصل ہے،کامران ٹیسوری

پیر 20 اکتوبر 2025 17:10

گورنرسندھ کی دیوالی پر صوبے بھر کی ہندو برادری کومبارکباد

کراچی (اُردو پوائنٹ اخبارتازہ ترین - این این آئی۔ 20 اکتوبر2025ء) گورنر سندھ کامران خان ٹیسوری نے دیوالی کے تہوار کے موقع پر اپنے خصوصی پیغام میں کہا ہے کہ ہندو برادری کے مذہبی تہوار دیوالی پر صوبے بھر کی ہندو برادری کو دلی مبارکباد پیش کرتاہوں ۔ انہوں نے کہا کہ دیوالی روشنی، محبت، امن اور بھائی چارے کا پیغام دیتی ہے۔

(جاری ہے)

انہوں نے کہا کہ ہندو برادری ملک اور صوبے کی ترقی و خوشحالی میں اہم کردار ادا کر رہی ہے۔

پاکستان میں ہندو برادری سمیت تمام اقلیتوں کو مکمل مذہبی آزادی حاصل ہے۔ اقلیتوں کے حقوق کا تحفظ حکومتِ پاکستان کی اولین ترجیحات میں شامل ہے۔ گورنر سندھ نے کہا کہ موجودہ حکومت بین المذاہب ہم آہنگی اور رواداری کے فروغ کے لیے مؤثر اقدامات کر رہی ہے۔ انہوں نے مزید کہا کہ دیوالی کے اس پرمسرت موقع پر ملک و قوم کی ترقی، خوشحالی اور امن کے لیے خصوصی دعائیں کریں۔