تھانہ اوگی پولیس نے اقدام قتل کے مقدمہ میں مفرور ملزم کو گرفتار کرلیا

پیر 22 اپریل 2024 23:02

مانسہرہ (اُردو پوائنٹ اخبارتازہ ترین - اے پی پی۔ 22 اپریل2024ء) ضلعی پولیس سربراہ مانسہرہ شفیع اﷲ گنڈا پور کی ہدایت پر مختلف جرائم میں پولیس کو مطلوب مفرور اشتہاری ملزمان کی گرفتاریوں کا عمل جاری ہے۔

(جاری ہے)

تھانہ اوگی پولیس نے 2015ءسے اقدام قتل کے مقدمہ میں مفرور ملزم کو گرفتار کر لیا، گرفتار کئے گئے مفرور ملزم امتیاز ولد ولی الرحمن کا تعلق اوگی کے گائوں چھتا سے ہے۔ ملزم نے سابق دشمنی کی وجہ سے 18 سے 19 سالہ محمد فیاض ولد حبیب الرحمن نامی نوجوان کو باارادہ قتل فائرنگ کر کے زخمی کرنے کے بعد موقع سے فرار ہو گیا تھا جس پر ملزم کے خلاف 22 ستمبر 2015ءکو اقدام قتل کی دفعات کے تحت مقدمہ درج کیا گیا تھا۔