جیل میں قید خالصتان رہنما امرت پال سنگھ بطور آزاد امیدوار پارلیمانی انتخابات میں حصہ لیں گے

جمعرات 25 اپریل 2024 15:53

امرتسر(اُردو پوائنٹ اخبارتازہ ترین - این این آئی۔ 25 اپریل2024ء) بھارت میں جیل میں قید خالصتان رہنما اور ’’وارس پنجاب دے ‘تنظیم کے سربراہ امرت پال سنگھ پنجاب کے کھڈور صاحب حلقے سے بطور آزاد امیدوار پارلیمانی انتخابات میں حصہ لیںگے ۔

(جاری ہے)

کشمیر میڈیاسروس کے مطابق امرت پال کے وکیل راج دیو سنگھ خالصہ نے ایک بیان میں کہا کہ ’’وارس پنجاب دے‘‘ کے سربراہ نے الیکشن لڑنے کے لیے اپنی رضامندی ظاہر کر دی ہے۔راج دیو نے امرت پال سے ڈبرو گڑھ جیل میں ملاقات کی ہے جہاں وہ غیر قانونی سرگرمیوں کی روک تھام کے کالے قانون یو اے پی اے کے تحت بند ہے۔ بھارتی پولیس نے امرت پال کو گزشتہ برس اپریل میں گرفتار کیا تھا۔