وائس چانسلر قراقرم انٹرنیشنل یونیورسٹی، پروفیسر ڈاکٹر عطاء اللہ شاہ کی اسلام آباد میں منعقد ورلڈ لیڈر سمٹ میں شرکت

جمعہ 26 اپریل 2024 18:33

گلگت (اُردو پوائنٹ اخبارتازہ ترین - اے پی پی۔ 26 اپریل2024ء) وائس چانسلر پروفیسر ڈاکٹر عطااللہ شاہ نے سرینا ہوٹل اسلام آباد میں میں منعقدہ ورلڈ لیڈرز سمٹ میں شرکت کی۔شعبہ تعلقات عامہ قراقرم انٹرنیشل یونیورسٹی سے جاری پریس ریلیز کے مطابق ورلڈ لیڈرز سمٹ سے خطاب کرتے ہوئے انہوں نے اس بات پر زور دیا کہ موجودہ حکومتیں اور بین الاقوامی تنظیموں کو آئی ٹی اور ٹیکنالوجی کے ذریعے نوجوانوں کی ترقی کیلئے مختلف ممکنات کو سامنے رکھتے ہوئے پالیسی مرتب کرنی ہوگی۔

(جاری ہے)

پروفیسر ڈاکٹر عطا اللہ شاہ کا کہنا تھا کہ کے آئی یو علاقے کے نوجوانوں کو مضبوطی اور سماجی کاروبار کے شعبے میں فرصتوں کی فراہمی سے مزید ترقی فراہم کی جا سکتی ہے۔ انہوں نے ایک بار پھر نوجوانوں کی ترقی کے لیے مہارتوں کی تربیت اور ترقی کے لیے ینگ لیڈرشپ پروگرام اور انٹرپرینیورشپ کے اہمیت کو اجاگر کیا۔ انہوں نے سیشن میں مختلف قومی اور بین الاقوامی شراکت داروں کو سماجی کاروبار، قیمتی پتھر کاٹنے اور پالش کرنے جیسی مہارتوں کو آئی ٹی اور ٹیک انکیوبیشن کے ذریعے فراہم کرنے کے امکانات پر بات پر تعاون کی ضرورت پر زور دیا۔