مری، گلیات اور گردونواح میں 29 اپریل تک بارشوں، آندھی اور طوفان کا امکان ہے، محکمہ موسمیات

ہفتہ 27 اپریل 2024 18:02

راولپنڈی (اُردو پوائنٹ اخبارتازہ ترین - اے پی پی۔ 27 اپریل2024ء) محکمہ موسمیات نے مری، گلیات اور گردونواح میں 29 اپریل تک بارشوں، آندھی اور طوفان کی پیش گوئی کی ہے۔ ضلعی انتظامیہ مری نے بارش کے پیش نظر سیاحوں کے لیے ایڈوائزری جاری کر دی ہے۔

(جاری ہے)

ضلعی انتظامیہ مری نے این ڈی ایم اے کی ہدایات کے مطابق ایڈوائزری میں سیاحوں کو مری، گلیات اور گرد و نواح میں موسم کی صورتحال سے پرنٹ، الیکٹرانک اور سوشل میڈیا کے ذریعے آگاہی کا کہا ہے۔

ایڈوائزری میں کہا گیا ہے کہ سیاح آنے سے قبل موسم کی صورتحال کا جائزہ لیں اور موسمی صورتحال کو مد نظر رکھتے ہوئے اپنا پروگرام ترتیب دیں۔ عوام الناس سفر پر نکلنے سے پہلے گاڑیوں کو اچھی طرح چیک کر لیں اور ضروری ساز و سامان ساتھ رکھیں۔اس دوران لینڈ سلائیڈنگ کا بھی خطرہ موجود ہے۔