بحیرہ عرب میں کم دباؤ کا سسٹم بننے کا امکان، الرٹ جاری

بدھ 21 مئی 2025 22:28

اسلام آباد (اُردو پوائنٹ اخبارتازہ ترین - آن لائن۔ 21 مئی2025ء)محکمہ موسمیات نے پیش گوئی کی ہے کہ بحیرہ عرب میں ہوا کے کم دباؤ کا سسٹم بننے کا امکان ہے، جو آئندہ 12 گھنٹوں کے دوران تشکیل پا سکتا ہے۔ یہ سسٹم شمال کی جانب بڑھنے اور شدت اختیار کرنے کی صلاحیت رکھتا ہے۔محکمہ موسمیات کے مطابق، اگلے 36 گھنٹوں میں یہ کم دباؤ ’ڈپریشن‘ میں تبدیل ہو سکتا ہے۔

(جاری ہے)

اس ممکنہ صورتحال کے پیش نظر متعلقہ اداروں کو الرٹ جاری کر دیا گیا ہے۔محکمہ موسمیات نے ساحلی علاقوں کے مکینوں کو احتیاطی تدابیر اختیار کرنے کی ہدایت کی ہے تاکہ کسی بھی ہنگامی صورتحال سے نمٹا جا سکے۔ حکام نے مشورہ دیا ہے کہ ماہی گیر، مسافر اور سمندری نقل و حمل سے وابستہ افراد صورتحال پر گہری نظر رکھیں اور انتظامیہ کی ہدایات پر عمل کریں۔

Facebook Twitter Google + Share on Whatsapp

بحیرہ عرب میں کم دباؤ کا سسٹم بننے کا امکان، الرٹ جاری

مزید موسم کی خبریں