پاکستان کا فتح 2 گائیڈڈ راکٹ سسٹم کا کامیاب تجربہ

400 کلومیٹر تک اپنے ہدف کو نشانہ بنانے کی صلاحیت رکھنے والا فتح 2 جدید ترین نیوی گیشن سسٹم، منفرد رفتار اور قابل تدبیر خصوصیات سے لیس ہے۔ آئی ایس پی آر

ساجد علی بدھ 15 مئی 2024 15:14

پاکستان کا فتح 2 گائیڈڈ راکٹ سسٹم کا کامیاب تجربہ

راولپنڈی ( اُردو پوائنٹ اخبارتازہ ترین۔ 15 مئی 2024ء ) پاکستان نے فتح 2 گائیڈڈ راکٹ سسٹم کا کامیاب تجربہ کرلیا، صدر مملکت، وزیراعظم، چیئرمین جوائنٹ چیفس آف اسٹاف کمیٹی اور آرمی چیف نے کامیاب میزائل تجربے پر فوجیوں اور سائنسدانوں کو مبارکباد دی۔ افواج کے شعبہ تعلقات عامہ ( آئی ایس پی آر ) کے مطابق آج پاک فوج نے فتح 2 گائیڈڈ راکٹ سسٹم کا کامیاب تجربہ کیا ہے، یہ گائیڈڈ راکٹ سسٹم 400 کلومیٹر تک اپنے ہدف کو نشانہ بنانے کی صلاحیت رکھتا ہے، جس کا آج کامیاب تربیتی تجربہ کیا گیا، فتح 2 جدید ترین نیوی گیشن سسٹم، منفرد رفتار اور قابل تدبیر خصوصیات سے لیس ہے، فتح 2 انتہائی درستگی کے ساتھ اپنے اہداف کو نشانہ بنانے اور کسی بھی میزائل دفاعی نظام کو شکست دینے کی صلاحیت رکھتا ہے۔

بتایا جارہا ہے کہ پاکستان نے 2021 میں اپنی دفاعی صلاحیتوں میں اضافہ کرتے ہوئے مقامی طور پر تیار کردہ گائیڈڈ راکٹ سسٹم فتح ون کا کامیاب تجربہ کیا تھا، جو روایتی جنگی ہتھیار لے جانے کی صلاحیت رکھتا ہے، ہتھیاروں کا یہ نظام پاک فوج کو دشمن کی سرزمین پر مزید اندر تک ہدف کی درستگی کی صلاحیت فراہم کرنے کے لیے لانچ کیا گیا، اس کے بعد دسمبر 2023ء میں پاکستان نے مقامی طور پر تیار کردہ میزائل سسٹم فتح ٹو کی لانچنگ کا آغاز کیا اور پہلا کامیاب تجربہ کیا گیا۔

(جاری ہے)

علاوہ ازیں پاکستان غوری ویپن سسٹم کا بھی کامیاب تجربہ کرچکا ہے، اس تجربے کا مقصد آرمی اسٹریٹجک فورسز کمانڈ کی آپریشن اور تکنیکی تیاریوں کو پرکھنا تھا، تجربےکےدوران ویپن سسٹم کی تکنیکی اورآپریشنل پہلوؤں کاجائزہ لیا گیا، آرمی اسٹریٹجک فورس کمانڈکےکمانڈرنےتجربےکامشاہدہ کیا، اس موقع پر متعلقہ اداروں کےافسران،سائنسدان اورانجینئرزبھی موجودتھے، اس دوران کمانڈرنےفورس کی تربیتی اورآپریشنل تیاریوں پراطمینان کااظہارکیا، کمانڈر نے کامیاب تجربےپرسائنسدانوں اورانجینئرزکومبارکباد دی، صدر، وزیراعظم اور عسکری قیادت نے بھی کامیاب تجربےپرمبارک باد دی۔