ایوب ٹیچنگ ہسپتال کے ڈائریکٹر ڈاکٹر اطہر لودھی کا ایم سی ایچ سی کا دورہ، مریضوں کیلئے نئے تعمیر شدہ ویٹنگ ایریا کا جائزہ لیا

بدھ 1 مئی 2024 18:15

ایبٹ آباد (اُردو پوائنٹ اخبارتازہ ترین - اے پی پی۔ 01 مئی2024ء) ایوب ٹیچنگ ہسپتال ایبٹ آباد کے ڈائریکٹر ڈاکٹر اطہر لودھی نے ایم سی ایچ سی کا دورہ کر کے مریضوں کیلئے نئے تعمیر شدہ ویٹنگ ایریا کا جائزہ لیا۔ دورہ کے دوران ہسپتال ڈائریکٹر نے سہولیات کا مکمل جائزہ لیا کہ ویٹنگ ایریا مریضوں کیلئے معیار اور آرام کے اعلیٰ ترین معیارات پر پورا اترتا ہے۔

دورہ کے دوران میڈیکل ڈائریکٹر ڈاکٹر عالم زیب سواتی اور مختلف شعبہ جات کے سربراہان بھی ان کے ہمراہ موجود تھے۔ ہسپتال ڈائریکٹر نے ہسپتال کے عملہ اور منتظمین کے ساتھ پارکنگ کے مسائل کو حل کرنے کیلئے بھی تفصیلی بات چیت کی جو مریضوں اور آنے والوں کیلئے دیرینہ تشویش ہے، ہسپتال اس مسئلہ کا حل تلاش کرنے کیلئے پرعزم ہے۔

(جاری ہے)

انہوں نے مریضوں کو غیر معمولی دیکھ بھال اور خدمات فراہم کرنے کیلئے ہسپتال کی لگن پر زور دیتے ہوئے کہا ہم اس بات کو یقینی بنانے کیلئے ہر ممکن کوشش کر رہے ہیں کہ مریضوں کو ہسپتال کے دورہ کے دوران بہترین ممکنہ دیکھ بھال اور تجربہ حاصل ہو، یہ دورہ سہولیات، خدمات اور مریضوں کے مجموعی تجربہ کو بہتر بنانے کیلئے ہسپتال کی جاری کوششوں کو ظاہر کرتا ہے۔

نئے تعمیر شدہ ویٹنگ ایریا کو مریضوں اور ان کے اہل خانہ کیلئے ایک آرام دہ اور خوش آئند ماحول فراہم کرنے کیلئے ڈیزائن کیا گیا ہے جو ہسپتال کی ہمدردانہ دیکھ بھال کیلئے لگن کی عکاسی کرتا ہے۔