Live Updates

بانی پی ٹی آئی کا مستقبل مشکل میں دیکھ رہا ہوں ،منظوروسان

بانی پی ٹی آئی اور دوسری طرف سے ٹکراؤ ہوتا دیکھ رہا ہوں،رہنما پیپلزپارٹی

بدھ 15 مئی 2024 19:58

بانی پی ٹی آئی کا مستقبل مشکل میں دیکھ رہا ہوں ،منظوروسان

کراچی (اُردو پوائنٹ اخبارتازہ ترین - این این آئی۔ 15 مئی2024ء) پیپلز پارٹی سندھ کے سینئر نائب صدر منظوروسان نے کہا ہے کہ بانی پی ٹی آئی کا مستقبل مشکل میں دیکھ رہا ہوں اور انکی مشکلات میں فی الحال کوئی کمی نہیں آئے گی۔اپنے بیان میں منظوروسان نے کہا کہ بانی پی ٹی آئی سوچتے ہیں کہ وہ دھمکیوں سے شاید کنٹرول کر لیںگے مگر اب ایسا کچھ نہیں ہے، بانی پی ٹی آئی اور دوسری طرف سے ٹکراؤ ہوتا دیکھ رہا ہوں جس کی وجہ سے بانی پی ٹی آئی فائدے کے بجائے نقصان میں جائیں گے۔

انہوںنے کہا کہ بانی پی ٹی آئی اور شیر افضل مروت کی آپس میں نورا کشتی ہے، بانی پی ٹی آئی کے کہنے پر ہی یہ سب کچھ کیا جارہا ہے،کچھ عرصہ کے لیے شیر افضل مروت قومی اسمبلی سے استعفیٰ دیدیںگے اور پھردوبارہ منتخب ہوکر بانی پی ٹی آئی کے ساتھ کام کریںگے۔

(جاری ہے)

بانی پی ٹی آئی محسوس کروانا چاہتے ہیں کہ وہ سعودی عرب کے خلاف نہیں ہیں مگر جو بھی رہنما سعودی کے خلاف بات کریگا مروت کی طرح نکالا جائے گا۔

منظوروسان نے دعویٰ کیا کہ موجودہ حکومت میں ملک میں مہنگائی میں واضع کمی آئی ہے، سندھ اور وفاقی حکومت ملازمین کی تنخواہوں میں اضافہ کرے گی۔منظوروسان نے کہا کہ پاکستان بننے سے اب تک کسی بھی وفاقی حکومت نے مدت پوری نہیں کی، صرف ملک کے صدر نے مدت پوری کی ہے، ہوسکتا ہے کہ شہباز شریف 5 سال مکمل کریں۔