شیخوپورہ میں پاک فوج کی جانب سے فری میڈیکل کیمپ کا انعقاد،تقریباً 800 مریض مستفید ہوئے

ہفتہ 4 مئی 2024 21:31

شیخوپورہ (اُردو پوائنٹ اخبارتازہ ترین - این این آئی۔ 04 مئی2024ء) شیخوپورہ کے نواحی گاؤں چوہان میں پاک فوج کی جانب سے فری میڈیکل کیمپ کا انعقاد کیا گیا۔تفصیلات کے مطابق شیخوپورہ کے اطراف میں چوہان اور اس کے نواحی دیہات کے باسیوں کے لیے پاک فوج کی جانب سے فری میڈیکل کیمپ قائم کیا گیا۔

(جاری ہے)

میڈیکل کیمپ میں گائنکالوجسٹ سمیت متعدد ڈاکٹرز اور پیرا میڈیکل سٹاف نے سینکڑوں افراد کا طبی معائنہ اور علاج کیا گیا، اس کے علاوہ مختلف امراض کے ماہر ڈاکٹرز بھی کیمپ میں مصروف عمل رہے۔

فری میڈیکل کیمپ سے تقریباً 800 مریض مستفید ہوئے۔مریضوں کے لیے ای سی جی سمیت متعدد ٹیسٹس کی سہولت بھی فراہم کی گئی، ڈاکٹرز اور پیرا میڈیکل سٹاف نے حفظانِ صحت، متوازن غذا، ڈینگی سمیت مختلف بیماریوں سے بچاؤ اور علاج کے حوالے سے آگاہی لیکچرز بھی دیے۔عوام نے پاک فوج کے عوامی بہبود کیلئے اقدامات کی تعریف کی، عوام نے سال بھر دیہی علاقوں میں تواتر سے لگائے جانے والے فری میڈیکل کیمپس پر پاک فوج کا شکریہ بھی ادا کیا۔