پی آئی اے کی پرواز 171 طلبا کو لے کر کرغزستان سے کراچی پہنچ گئی

جمعرات 23 مئی 2024 11:36

کراچی (اُردو پوائنٹ اخبارتازہ ترین - اے پی پی۔ 23 مئی2024ء) پی آئی اے کی پرواز 171 طلبا کو لے کر کرغزستان سے کراچی پہنچ گئی۔ترجمان پی ائی اے کے مطابق قومی ایر لائن پی آئی اے کا کرغزستان سے پاکستانی طالب علموں کو بحفاظت اپنے وطن لانے کا سلسلہ جاری ہے،جمعرات کو پی آئی اے کی پرواز پی کے 6260 سے 171 مسافر صبح آٹھ بج کر 5 منٹ پر کراچی پہنچ چکے ہیں۔

(جاری ہے)

انہوں نے مزید بتایا کہ پی آئی اے کی جمعرات کے دن مزید دو پروازیں بشکیک کے لیے روانہ ہوگی،پہلی پرواز دوپہر 2 بجے لاہور سے روانہ ہوگی،جبکہ دوسری پرواز کوئٹہ سے رات 11 بجے اڑان بھرے گی۔ترجمان نے بتایا کہ پی آئی اے حکومت پاکستان کی ہدایات کے مطابق پروازیں آپریٹ کر رہی ہیں اور اپنے ہم وطنوں کی خدمت کے لیے دستہ اول کے طور پر ہمہ وقت تیار رہتی ہے۔