بابر اعظم نے حسن علی کو تیسرا ٹی ٹونٹی کھلانے کی وجہ بتا دی

مڈل اوورز میں مشکلات کا شکار تھے اس لیے نسیم شاہ کو آرام کروایا اور حسن کو موقع دیا تاکہ مختلف کمبی نیشن آزما سکیں : قومی کپتان

ذیشان مہتاب بدھ 15 مئی 2024 15:57

بابر اعظم نے حسن علی کو تیسرا ٹی ٹونٹی کھلانے کی وجہ بتا دی

لاہور (اردو پوائنٹ تازہ ترین اخبار ۔ 15 مئی 2024ء ) قومی ٹیم کے کپتان بابر اعظم نے فاسٹ بولر حسن علی کو آئرلینڈ کیخلاف تیسرا ٹی20 میچ کھلانے کی وجہ بتا دی۔ ڈبلن میں کھیلے گئے سیریز کے تیسرے ٹی ٹونٹی میچ میں فاسٹ بولر حسن علی نے محض کمزور آئرش بلے بازوں سے 3 اوورز میں 42 رنز کھائے اور کوئی وکٹ بھی حاصل نہ کرسکے تھے۔

(جاری ہے)

میچ کے اختتام پر بابر اعظم نے حسن علی کو کھلانے کی وجہ بتاتے ہوئے کہا کہ ہم مڈل اوورز میں مشکلات کا شکار تھے اس لیے نسیم شاہ کو آرام کروایا اور انہیں موقع دیا تاکہ مختلف کمبی نیشن آزما سکیں۔

انہوں نے مزید کہا کہ عماد وسیم مشکل وقت میں شاندار بالنگ کا مظاہرہ کررہے ہیں جب کہ عامر بطور سینئر باؤلر بہترین کردار نبھارہے ہیں۔ دوسری جانب آئرلینڈ کیخلاف تیسرے ٹی ٹونٹی میں فاسٹ بولر حسن علی کی شمولیت پر شائقین کرکٹ نے بابر اعظم سے دوستی کا طعنہ دیتے ہوئے کہا اس پرفارمنس پر انہیں ٹی ٹونٹی ورلڈ کپ سکواڈ میں شامل کیا جارہا ہے۔