زرعی مصنوعات کی درآمدات میں سالانہ بنیادوں پر 6 فیصد کی کمی ریکارڈ

بدھ 22 مئی 2024 14:05

اسلام آباد (اُردو پوائنٹ اخبارتازہ ترین - اے پی پی۔ 22 مئی2024ء) زرعی مصنوعات کی درآمدات میں جاری مالی سال کے پہلے 10 ماہ میں سالانہ بنیادوں پر 6 فیصد کی کمی ریکارڈ کی گئی ہے۔ پاکستان بیورو برائے شماریات کے اعدادوشمار کے مطابق مالی سال کے پہلے 10 ماہ میں زرعی مصنوعات کی درآمدات پر 7.085 ارب ڈالر زرمبادلہ خرچ ہوا جو گزشتہ مالی سال کی اسی مدت کے 7.488 ارب ڈالر کے مقابلے میں 6 فیصد کم ہے۔

(جاری ہے)

اپریل میں زرعی مصنوعات کی درآمدات کا حجم 716 ملین ڈالر ریکارڈ کیا گیا جو گزشتہ سال اپریل کے 434 ملین ڈالر کے مقابلے میں 45 فیصد زیادہ ہے۔ مارچ کے مقابلے میں اپریل میں زرعی مصنوعات کی درآمدات میں ماہانہ بنیادوں پر 12 فیصد کا اضافہ ہوا۔ مارچ میں زرعی مصنوعات کی درآمدات پر 640 ملین ڈالر زرمبادلہ خرچ ہوا جو اپریل میں بڑھ کر 716 ملین ڈالر ہوگیا ۔ واضح رہے کہ مالی سال کے پہلے 10 ماہ میں پاکستان کی مجموعی درآمدات کا حجم 44.91 ارب ڈالر ریکارڈ کیا گیا ہے جو گزشتہ مالی سال کی اسی مدت کے 46.70 ارب ڈالر کے مقابلے میں 4 فیصد کم ہے۔