پوری توجہ انگلینڈ سیریز اور ورلڈ کپ پر ہے، بابر اعظم

مجھے یقین ہے پاکستان آئرلینڈ کی سیریز سے جیت کے مومینٹم کو انگلینڈ کے خلاف سیریز میں بھی برقرار رکھے گا، کپتان قومی یٹم

بدھ 22 مئی 2024 16:15

پوری توجہ انگلینڈ سیریز اور ورلڈ کپ پر ہے، بابر اعظم

لیڈز (اُردو پوائنٹ اخبارتازہ ترین - این این آئی۔ 22 مئی2024ء) پاکستان وائٹ بال ٹیم کے کپتان بابر اعظم نے کہا ہے کہ اب ہماری پوری توجہ اس سیریز اور اس کے بعد ٹی ٹوئنٹی ورلڈ کپ پر مرکوز ہے۔

(جاری ہے)

اپنے بیان میں بابر اعظم نے کہا کہ مجھے یقین ہے کہ پاکستان آئرلینڈ کی سیریز سے جیت کے مومینٹم کو انگلینڈ کے خلاف سیریز میں بھی برقرار رکھے گا۔انہوں نے کہا کہ ڈبلن میں ہماری دو ایک کی فتح نے ہمارے بیٹرز اور بولرز کی صلاحیتوں کو ظاہر کیا، ساتھ ہی ہمیں سیکھنے کا موقع بھی فراہم کیا کیونکہ ہم اپنے شعبوں میں بہتری کیلئے کام کرنا چاہتے ہیں۔بابر اعظم نے بتایا کہ ہم نے ہیڈنگلے میں اہم ٹریننگ سیشنز کیے ہیں اور ہیڈ کوچ گیری کرسٹن بھی اب اسکواڈ کے ساتھ موجود ہیں۔