کوئٹہ(اُردو پوائنٹ اخبارتازہ ترین - این این آئی۔ 22 مئی2024ء)
بجلی چوروں اورنادہندگان کے خلاف جاری قومی مہم کے تحت وزارت توانائی (پاور ڈویژن) کی ہدایات پرکوئٹہ الیکٹرک سپلائی
کمپنی (کیسکو) کی جانب سے صوبہ بھرمیں کارروائیاں جاری ہیں ۔ ا س سلسلے میں صوبائی دارالحکومت
کوئٹہ سمیت پشین، لورلائی،سبی،خضداراور مکران آپریشن سرکلز میںنادہندگان سے بقایاجات کی وصولی اور
بجلی چوروںکے خلاف قانونی کارروائی کیلئے کیسکوکی ٹیمیں بلاتفریق کارروائی عمل میں لائی جارہی ہیں جس کے مثبت پیش رفت سامنے آنے سے کیسکوکو خاطرخواہ کامیابی حاصل ہوگئی ہے نیز اس قومی مہم کے مثبت اثرات باقاعدگی سے
بجلی بلوںکی ادائیگی کرنے والے صارفین کو بہتروولیٹج کی صورت میں مل رہاہے۔
کیسکونے
بجلی چوروںکے خلاف اس خصوصی مہم کے تحت
بجلی میٹروںکو شنٹ اورمیٹر ریڈنگ Slowکرنے والے 24ہزار922گھریلوکنکشنز،8ہزار404کمرشل کنکشن جبکہ 2ہزار508زرعی کنکشنزاور537صنعتی کنکشنز منقطع کرکے بعد ازاںاُن پر جرمانے عائد کردئیے اوراس طرح مجموعی طورپراُنھیں ایک کروڑ 25 لاکھ 84 ہزاربجلی یونٹ ڈیٹیکشن کی مد میں چارج کیئے گئے جبکہ چارج شدہ
بجلی یونٹس کی قیمت تقریباً64کروڑ99لاکھ 75ہزارروپے بنتی ہے جن میں سے کیسکونے اب تک60کروڑ62 لاکھ 26ہزارروپے سے زائد رقم وصول بھی کرلئے گئے ہیں۔
(جاری ہے)
اس کے علاوہ خصوصی مہم کے دوران کیسکوٹیموںکی جانب سے
بجلی چوروںکے خلاف قانونی کارروائی کے لئے صوبہ کے مختلف
پولیس اسٹیشنوںمیں 6ہزار398 تحریری درخواستیںارسال کر دی گئیںہیںجن میں سے اب تک 607
بجلی چوروں کے خلاف ایف آئی آرز بھی درج کئے جا چکے ہیں۔علاوہ ازیںروزانہ کی بنیاد پر نادہندگان سے
بجلی بلوںکی مدمیں بقایاجات کی وصولی کاعمل بھی تیزی سے جاری ہے اوراس سلسلے میں کیسکوٹیموںنے ماہ ستمبر سے اب تک صوبائی دارالحکومت
کوئٹہ سمیت پشین، لورلائی،سبی،خضداراور مکران آپریشن سرکلز میںبقایاجات کے حامل 2 لاکھ49ہزار202 نادہندہ صارفین سے تقریباً3 ارب71کروڑ89لاکھ 30ہزارروپے سے زائد رقم بھی وصول کرلئے ہیں۔
واضح رہے کہ صوبہ بھرکے تمام آپریشن سرکلز میں کیسکوکی ٹیمیںتمام
بجلی چوروںاور نادہندگان کے خلاف بلاامتیاز کارروائیاں کررہی ہیں اوراس سلسلے میں صارفین سے اپیل کی جاتی ہے کہ وہ اپنے
بجلی بلوںکی ادائیگی کے ساتھ ساتھ اپنے ذمہ بقایاجات بھی اداکریںبصورت دیگر کیسکوکسی بھی نادہندہ صارف کے کنکشن منقطع ہونے یا مزید کسی بھی زحمت اور پریشانی کی ذمہ دار نہیں ہوگی ،علاوہ ازیں کیسکونے تمام صارفین سے درخواست کی ہے کہ وہ
بجلی کے غیر قانونی استعمال سے گریز کریںاور اپنے اردگردبجلی چوروںکی نشاندہی کرکے اس قومی مہم میں کیسکوکے ساتھ تعاون کریں۔
