لاہور ہائیکورٹ نے راوی اربن ڈویلپمنٹ اتھارٹی ایکٹ 2022 کیخلاف درخواستوں پر جائزہ رپورٹ داخل کرنے کیلئے مہلت دیدی

بدھ 22 مئی 2024 23:08

لاہور (اُردو پوائنٹ اخبارتازہ ترین - اے پی پی۔ 22 مئی2024ء) لاہور ہائیکورٹ نے راوی اربن ڈویلپمنٹ اتھارٹی ایکٹ 2022 کیخلاف دائر درخواستوں پر سپریم کورٹ کے فیصلے کی روشنی میں درخواست گزار وں کی جائزہ رپورٹ داخل کرانیکی مہلت دیدی۔

(جاری ہے)

جسٹس شاہد کریم نے شیراز ذکا ایڈووکیٹ و دیگر کی درخواستوں پر سماعت کی،درخواست گزار وں کے وکیل نے موقف اپنایا کہ درخواست گزاروں کی پانچ سو سے زائد کنال اراضی موضع کوٹلی میں ہے،عدالت عالیہ نے درخواست گزاروں کی اراضی ایکوائر کرنے سے روک دیا جبکہ پنجاب حکومت نے ہائیکورٹ کے فیصلے کو سپریم کورٹ میں چیلنج کردیا،سپریم کورٹ نے حکومت کی جانب سے حاصل کی گئی اراضی پر کام جاری رکھنے کی ہدایت کی ہے،سپریم کورٹ نے روڈا اور حکومت پنجاب کو مزید اراضی ایکوائر کرنے سے روک دیا ہے،استدعا ہے کہ عدالت حکومت پنجاب اور روڈا کو اراضی ایکوائر کرنے سے روکنے کا حکم دے۔