ڈاکٹریاسمین راشد کی کوٹ لکھپت جیل میں طبیعت خراب، ہسپتال منتقل

بدھ 22 مئی 2024 23:22

لاہور(اُردو پوائنٹ اخبارتازہ ترین - این این آئی۔ 22 مئی2024ء) پاکستان تحریک انصاف کی رہنما ڈاکٹر یاسمین راشد کی کوٹ لکھپت جیل میں طبیعت خراب ہو گئی جس کے بعد انہیں سروسز ہسپتال منتقل کر دیا گیا ۔

(جاری ہے)

ڈاکٹر یاسمین راشد کے وکیل کے مطابق گزشتہ روز سے جیل میں طبیعت انتہائی خراب ہونے کے باوجود علاج کی سہولت نہیں دی گئی۔ جیل سیل میں گرمی کی شدت اور خراب پانی پینے کی وجہ سے منگل کی دوپہر سے طبیعت خراب تھی، مسلسل قے اور پیٹ خراب ہو نے کے باوجود علاج کی سہولت نہیں دی گئی، بیہوش ہونے پر انہیں ایمبولینس میں جیل سے سروسز ہسپتال لایا گیا ہے۔ وکیل نے بتایا کہ ڈاکٹر یاسمین کو ڈائریا یا گیسٹرو کی علامات ہیں۔