![UrduPoint](https://photo-cdn.urdupoint.com/daily/images/Logos/up-logo-mobile-ur.png)
اقوام متحدہ کی سلامتی کونسل نے امریکہ کا تیار کردہ مسودہ قرارداد، صفر کے مقابلے میں 14 ووٹوں سے منظور
قرارداد میں غزہ میں جنگ بندی سمجھوتے کی حمایت کی گئی ہے روس نے ووٹنگ میں حصہ نہیں لیا‘ آج ہم نے امن کے لئے ووٹ دیا ہے.امریکی مندوب
میاں محمد ندیم
منگل 11 جون 2024
13:29
![اقوام متحدہ کی سلامتی کونسل نے امریکہ کا تیار کردہ مسودہ قرارداد، صفر ..](https://photo-cdn.urdupoint.com/show_img_new/daily/todayNewsLive/2024/800x400/pic_f2f3b_1713087153.jpg._2)
(جاری ہے)
حماس نے ایک بیان میں اپنے مطالبات کا حوالہ دیتے ہوئے جن میں غزہ میں مستقل جنگ بندی اور اسرائیلی افواج کی علاقے سے مکمل واپسی کے مطالبات شامل ہیں ان کا کہنا ہے کہ تحریک، سلامتی کونسل کی قرار داد کا خیر مقدم کرتی ہے اور ان اصولوں کے نفاذ کے لئے براہ راست مذاکرات میں داخل ہو نے کے واسطے برادر ثالثوں کے ساتھ تعاون پر اپنی رضا مندی کی پھر سے تصدیق کرنا چاہتی ہے امریکہ پر جو اسرائیل کا کٹر اتحادی ہے ، غزہ میں جنگ بندی کے لئے اقوام متحدہ کی کئی قرار داوں کا راستہ روکنے کے لئے بڑے پیمانے پر نکتہ چینی کی جاتی ہے. صدر جو بائیڈن نے گزشتہ ماہ کے آخر میں جنگ بندی اور یرغمالوں کی رہائی کے لئے ایک نئی امریکی کوشش کا آغاز کیا تھا اقوام متحدہ کے اجلاس کے بعد وہاںامریکی سفیر لنڈا تھامس گرین فیلڈ نے کہا کہ آج ہم نے امن کے لئے ووٹ دیا ہے انہوں نے کہا آج اس کونسل نے حماس کو واضح پیغام دیا ہے کہ جنگ بندی کے معاہدے کو قبول کر لو اسرائیل پہلے ہی اس سمجھوتے پر رضا مند ہو چکا ، اور اگر حماس بھی یہ ہی کرے تو جنگ آج بند ہو سکتی ہے. پیش کردہ تجویز کے تحت اسرائیل غزہ کے آبادی مراکز سے واپس چلا جائے گا اور حماس یرغمالوں کو رہا کردے گی جنگ بندی ابتدائی چھ ہفتے قائم رہے گی جسکے دوران مذاکرات کنندگان دشمنی کے مستقل خاتمے کے لئے مذاکرات کریں گے منصوبے کے پہلے مرحلے میں فوری اور مکمل جنگ بندی ہو گی. اسرائیلی جیلوں میں قید فلسطینیوں کے بدلے اسرائیلی یرغمال رہا کئے جائیں گے اور غزہ کے آباد علاقوں سے اسرائیلی فوجیں واپس چلی جائیں گی امریکی وزیر خارجہ انٹنی بلنکن نے گزشتہ روز اسرائیل میں وزیر اعظم نیتن یاہو سے بات چیت کی انہوں نے قاہرہ میں مصری صدر عبدل فتح السیسی سے ملاقات کے بعد اسرائیلی وزیر اعظم اور وزیر دفاع سے بات چیت کی ہے. امریکی وزیر خارجہ قطر اور اردن بھی جائیں گے جہاں وہ غزہ کے لئے انسانی امداد کی ایک کانفرنس میں شرکت کریں گے نیتن یا ہو سے اپنی بات چیت کے دوران بلنکن نے اسرائیلیوں اور فلسطینیوں کو یکساں طویل المدت سیکورٹی اور استحکام فراہم کرنے کی کوششوں کی اہمیت پر زور دیا ہے.
مزید اہم خبریں
-
حکومت جھوٹ بولتی ہے کہ آئی پی پیز سے مذاکرات نہیں ہو سکتے
-
دوبارہ الیکشن کرانے کا مطلب دوبارہ پھر دھندا ہوگا
-
حکومت نے اپنی مراعات میں 25 فیصد اضافہ کیا، فارم 47 والی حکومت عوام دشمن فیصلے کر رہی ہے
-
اب آئی پی پیز کا دھندہ نہیں چلے گا
-
روایت کے مطابق اولمپک کھیلوں کے دوران جنگ و جدل روک دیں، گوتیرش
-
خطرناک سمندری راستوں سے ہجرت کرنے والوں کی ہلاکتوں پر تشویش
-
یورپ میں شراب نوشی دنیا میں سب سے زیادہ، ڈبلیو ایچ او
-
غزہ: پولیو وائرس کی نشاندھی پر ویکسین کی فوری فراہمی کا اعلان
-
سپریم کورٹ کے فیصلے کے بعد سنی اتحاد کونسل کی سیاسی حیثیت تبدیل ،قائد حزب اختلاف کا عہدہ خالی ‘ ملک احمد خان
-
وزیر مملکت برائے آئی ٹی شزہ فاطمہ سے آسٹریلیا کے ہائی کمشنر کی ملاقات ، دوطرفہ دلچسپی کے امور، آئی ٹی و ٹیلی کمیونیکیشن، ڈیجیٹلائزیشن، فائبرائزیشن، سائبر سکیورٹی کے حوالے سے گفتگو کی
-
پولیس پرحملہ کیس، چودھری پرویزالٰہی کے ملازمین کیخلاف کاروائی کا آغاز
-
پی ٹی آئی کا احتجاج اور جماعت اسلامی کا دھرنا،اسلام آباد میں ریڈ زون سیل،دفعہ 144نافذ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.