پنجاب میں 20 سے 22 جون کے دوران بارشوں کی پیش گوئی

ہفتہ 15 جون 2024 15:31

لاہور (اُردو پوائنٹ اخبارتازہ ترین - آن لائن۔ 15 جون2024ء) پنجاب میں 20 تا 22 جون بارشوں کی پیش گوئی کی گئی ہے۔قدرتی آفات سے نمٹنے والے صوبائی ادارے پی ڈی ایم اے کی جانب سے انتظامیہ کو موسمی صورت حال کے حوالے سے الرٹ جاری کردیا گیا ہے۔ترجمان پی ڈی ایم اے کے مطابق صوبے میں 16 سے 18 جون کے دوران بیشتر علاقوں میں موسم شدید گرم اور خشک رہے گا۔

(جاری ہے)

18سے 22جون تک صوبے کے بیشتر اضلاع میں آندھی، جھکڑ چلنے اور گرج چمک کے ساتھ بارشوں کے امکانات ہیں۔

جنوبی پنجاب میں 20سے 22جون کے دوران بارشوں کی پیش گوئی بھی کی گئی ہے۔ ڈی جی پی ڈی ایم اے عرفان علی کاٹھیا کی جانب سے انتظامیہ کو الرٹ رہنے کی ہدایات جاری کی گئی ہیں۔ انہوں نے کہا کہ شہری عیدالاضحی کی تیاریوں میں موسمی صورت حال کو ضرور ذہن میں رکھیں۔ عید کی چھٹیوں میں سیاحت کی غرض سے نکلنے والے موسم کی اپڈیٹس ضرور لیں۔

Facebook Twitter Google + Share on Whatsapp

پنجاب میں 20 سے 22 جون کے دوران بارشوں کی پیش گوئی

متعلقہ عنوان :

مزید موسم کی خبریں