قبائلی علاقوں کے نوجوانوں کو مرکزی دھارے میں لانے کیلئے پاک فوج کی کوششیں جاری

فوج میں بطورآفیسرشمولیت کے ٹیسٹ کی تیاری کیلیے پاک فوج کی جانب سے آئی ایس ایس بی کیڈرکا انعقاد

جمعرات 18 جولائی 2024 20:25

وانا (اُردو پوائنٹ اخبارتازہ ترین - این این آئی۔ 18 جولائی2024ء) فوج میں بطورآفیسرشمولیت کے ٹیسٹ کی تیاری کیلئے پاک فوج کی جانب سے شمالی وزیرستان میں آئی ایس ایس بی کیڈرکا انعقاد کیا گیا۔ تفصیلات کے مطابق قبائلی علاقوں کے نوجوانوں کو مرکزی دھارے میں لانے کیلئے پاک فوج کی کوششیں جاری ہیں۔

(جاری ہے)

شمالی وزیرستان کے نوجوانوں کیلئے فوج میں بطورآفیسرشمولیت کے ٹیسٹ کی تیاری کیلئے پاک فوج کی جانب سے آئی ایس ایس بی کیڈرکا انعقاد کیا گیا،کیڈر 1جولائی سے 12جولائی 2024 تک منعقد ہوا،جس میں 14 امیدواروں نے حصہ لیا،امیدواروں کو فائنل انٹرویو کی تیاری کے علاوہ آئی ایس ایس بی کے دوران ہونے والے تمام ٹیسٹ کی تیاری کروائی گئی۔

آئی ایس ایس بی ٹیسٹ کی تیاری نہ صرف اس امتحان میں بلکہ آنے والے متعدد دوسرے امتحانات میں بھی مدد فراہم کرے گی۔ٹیسٹ کی تیاری کا مقصد طلبا کی صلاحیتوں کو بہتر بنانا ہیتاکہ وہ ملکی اداروں میں شمولیت اختیار کر سکیں۔