متحدہ عرب امارات اوردیگر 5 ممالک کو آئی سی سی ڈیویلپمنٹ ایوارڈز سے نوازا گیا

جمعہ 19 جولائی 2024 22:49

دبئی (اُردو پوائنٹ اخبارتازہ ترین - آن لائن۔ 19 جولائی2024ء) انٹرنیشنل کرکٹ کونسل (آئی سی سی)نے آئی سی سی ڈیویلپمنٹ ایوارڈز 2023 کے عالمی فاتحین کا اعلان کر دیا ہے جس میں گزشتہ کیلنڈر سال کے دوران شاندار کارکردگی اور شاندار کارکردگی پر 6 ابھرتے ہوئے ممالک کو اعزازات سے نوازا گیا ہے۔ ایوارڈ حاصل کرنے والے ممالک میں یواے ای ، عمان ، نیپال ، نیدرلینڈ، اسکاٹ لینڈ اور میکسیکو شامل ہیں۔

اس ایوارڈ کا اجرا 2002 میں ہوا اور یہ آئی سی سی ایسوسی ایٹ رکن ممالک کو کھیل کے فروغ میں نئی کوششوں پر دیا جاتا ہے۔ متحدہ عرب امارات نے ملائیشیا میں آئی سی سی ویمنز ٹی 20 ورلڈ کپ 2024 ایشیا کوالیفائر میں ناقابل شکست اسپیل کے بعد ایسوسی ایٹ ممبر ویمنز پرفارمنس آف دی ایئر جیتا تھا۔

(جاری ہے)

امارات کرکٹ بورڈ کے جنرل سیکرٹری مبشر عثمانی نے کہا کہ آئی سی سی ایسوسی ایٹ ممبر ویمنز پرفارمنس آف دی ایئر کا ایوارڈ جیتنا متحدہ عرب امارات کرکٹ کے لیے فخر کا باعث ۔

گزشتہ چند برسوں میں ہم نے خواتین کرکٹ کے فروغ اور ترقی پر خصوصی زور دیا ہے اور یہ دیکھ کر خوشی ہوتی ہے کہ ان کوششوں کے ثمرات ملنا شروع ہو گئے ہیں۔ امارات کرکٹ بورڈ ملک بھر میں خواتین کرکٹ کی ترقی کے لئے مزید اقدامات جاری رکھے گا۔ عمان کرکٹ کو "کرکٹ فور ہر پروگرام " کے لیے ایوارڈ سے نوازا گیا ہے۔ آئی سی سی ایسوسی ایٹ ممبر مینز پرفارمنس آف دی ایئر ایوارڈ نیدرلینڈز کو بھارت میں ہونے والے آئی سی سی مینز کرکٹ ورلڈ کپ میں کوالیفائنگ اور مقابلہ کرنے میں ان کی شاندار کارکردگی پر دیا گیا ہے۔ میکسیکو کرکٹ ایسوسی ایشن کو بھارت میں اسٹریٹ چائلڈ کرکٹ ورلڈ کپ میں ٹیم بھیجنے سمیت اہم منصوبوں پر آئی سی سی ڈیویلپمنٹ انیشی ایٹو آف دی ایئر پرائز سے نوازا گیا۔