جشن آزادی کپ ہاکی ٹورنامنٹ 2024 ، گورنمنٹ بوائز ہائی سکو اللہ آباد نے اپنا میچ جیت لیا

منگل 23 جولائی 2024 18:29

رحیم یارخان (اُردو پوائنٹ اخبارتازہ ترین - اے پی پی۔ 23 جولائی2024ء) جشن آزادی کپ ہاکی ٹورنامنٹ 2024 ء کے سلسلہ میں گورنمنٹ ہائی اور ہائیر سکینڈری سکولز کے درمیان تحصیل سطح کے مقابلے مسعود سٹیڈیم لیاقت پور میں جاری ہیں ۔ پنجاب ایجوکیشن ڈیپارٹمنٹ کی ہدایت پر منعقدہ ہاکی ٹورنامنٹ میں گورنمنٹ بوائز ماڈل ہائی سکول لیاقت پور اور گورنمنٹ بوائز ہائی سکول اللہ آباد کے درمیان کانٹے دار میچ کھیلا گیا جو مقررہ وقت تک ایک ایک گول سے برابر رہا ، پینلٹی سٹروکس پر میچ اللہ آباد ہائی سکول نے ایک گول سے جیت لیا ۔

مہمان خصوصی سی ای او ایجوکیشن رحیم یار خان طارق جمیل خان بلوچ نے کہا کہ وزیراعلی پنجاب مریم نواز اور وزیر تعلیم کے احکامات پر ہاکی لیگ کا انعقاد بہترین اقدام ہے ، اس سے قومی کھیل کو فروغ ملے گا ۔

(جاری ہے)

انہوں نے ٹورنامنٹ کا شاندار انعقاد کروانے پر تحصیل کوآرڈینیٹر محمد سلیم آصف، وائس پرنسپل رانا محمد ندیم، پی ای ٹی محمد ایوب، سہراب خا ، لیاقت پور ہاکی کے روح رواں نصیر احمد فرخ کو مبارکباد پیش کی ۔ اس موقع پرنسپل کالونی ہائی سکول چوہدری محمد ریاض، پرنسپل اللہ آباد ہائی سکول رانا عرفان احمد، سینئر ہیڈ ماسٹر عبدالمجید ملک، محب الرحمن، پی ای ٹی شہباز ذوالفقار، خواجہ نعیم عباس اور زاہد رؤف بھی موجود تھے۔