فیصل آباد،باغبانوں کو کھجور کے پودوں سے زیر بچے علیحدہ کرنے کا عمل شروع کرنے کی ہدایت

بدھ 4 ستمبر 2024 14:49

فیصل آباد (اُردو پوائنٹ اخبارتازہ ترین - اے پی پی۔ 04 ستمبر2024ء) ڈیٹ پام ریسرچ انسٹی ٹیوٹ آری فیصل آباد کے ماہرین اثمار نے کہا ہے کہ باغبان کھجور کے پودوں سے زیر بچے علیحدہ کرنے کا عمل شروع کر دیں،شکری،کڑ، ڈھیڈی، شامران، عیدل شاہ،سفیدہ، خضراوی،مکران،حلاوی، اصیل،زاہدی، کپڑا، ہیمن،بسرا، فصلی، تاروالی، ماکھی، حلینی اقسام کی کاشت سے کھجور کی بمپر کراپ حاصل ہو سکتی ہے۔

(جاری ہے)

انہوں نے کہاکہ پنجاب میں ضلع جھنگ، مظفر گڑھ، ڈی جی خان، بہاولپور سمیت بعض دیگر شہروں میں کھجور کی اچھی پیداوار حاصل ہوتی ہے۔ انہوں نے کہاکہ ان علاقوں میں کھجور کے پودوں سے زیر بچے الگ کرنے کاعمل 20 ستمبر سے شروع کرکے 15 اکتوبر تک مکمل کیاجاسکتاہے۔ انہوں نے کہاکہ باغبان پودے لگانے سے 10،15 روز قبل تین مربع فٹ کے گڑھے بنا کر بھل سے بھر دیں اور اسے پانی بھی لگا دیں۔انہوں نے کہاکہ پودا لگاتے وقت دیمک سے بچاؤ کے لئے مناسب دوائی بھی استعمال کی جائے اوراس امر کا خیال رکھاجائے کہ زیر بچے کاوزن 15کلو گرام سے زیادہ نہیں ہوناچاہیے۔

Facebook Twitter Google + Share on Whatsapp

فیصل آباد،باغبانوں کو کھجور کے پودوں سے زیر بچے علیحدہ کرنے کا عمل شروع کرنے کی ہدایت

متعلقہ عنوان :

مزید زراعت کی خبریں