اب لوگ اداکاروں کے بجائے کرداروں کوپسند کرتے ہیں، وکرانت میسے

وکرانت میسے نے 2023 کی بائیوگرافیکل ڈرامہ فلم’’12th Fail‘‘ میں منوج کمارشرما کا کردارادا کیا

منگل 10 ستمبر 2024 13:50

اب لوگ اداکاروں کے بجائے کرداروں کوپسند کرتے ہیں، وکرانت میسے

ممبئی (اُردو پوائنٹ اخبارتازہ ترین - این این آئی۔ 10 ستمبر2024ء) بھارتی اداکارہ وکرانت میسے کا کہنا ہے کہ وہ تعریف کو سنجیدہ لیتے ہیں نہ تنقید کو جبکہ یہ بھی کہا کہ لوگ اب اداکاروں کے بجائے کرداروں کو پسند کرنے لگے ہیں۔

(جاری ہے)

فلم بارہویں فیل (12th Fail) کی حیرت انگیز کامیابی کے بعد وکرانت میسے کے ساتھ کام کرنے کے خواہشمند افراد کی تعداد میں اضافہ ہوگیا ہے جبکہ مداحوں کی جانب سے سیلفیوں کی درخواستیں بھی بڑھ گئیں، لیکن اداکار کا کہنا ہے کہ ان کا کام کے حوالے سے رویہ بدلا نہیں ہے۔

وکرانت میسے نے 2023 کی بائیوگرافیکل ڈرامہ فلم’’12th Fail‘‘ میں منوج کمار شرما کا کردار ادا کیا جو ایک آئی پی ایس افسر بننے کے خواب کی تکمیل کیلیے مشکلات کا سامنا کرتا ہے۔ایک تازہ انٹرویو کے دوران وکرانت نے فلموں چھپک، اے دیتھ ان دا گنج، حسین دلرٴْبا، سیریز مرزاپور اور کرمنل جسٹس میں اپنے کام کو خوش آئند قرار دیا۔