اداکارہ زرین خان آن لائن ہراسانی سے پریشان، شدید ردعمل

جمعرات 16 اکتوبر 2025 12:00

ممبئی (اُردو پوائنٹ اخبارتازہ ترین - این این آئی۔ 16 اکتوبر2025ء) بالی ووڈ اداکارہ زرین خان آن لائن ہراسانی سے پریشان ہیں، انہوں نے فحش اور غیر اخلاقی تبصروں پر شدید ردعمل دیا ہے۔38 سالہ زرین خان انسٹاگرام پر ایک ویڈیو پیغام کے ذریعے کہا کہ وہ جیسے ہی کوئی پوسٹ شیئر کرتی ہیں، انہیں گندے، فحش، غیر مہذب اور ذومعنی تبصرے آنے لگ جاتے ہیں۔انہوں نے کہا کہ میری پوسٹ چاہیے خوشگوار ہو، ذاتی تجربے یا افسوسناک واقعے سے متعلق ہو، مجھے اس دوران مایوس کن صورتحال کا سامنا کرنا پڑتا ہے۔

(جاری ہے)

اداکارہ نے کہا کہ میری پوسٹس پر آنے والے تبصرے آن لائن ہراسانی کی سنگین مثال ہیں، کیا میرے فالوورز کے ساتھ بھی ایسا ہی ہوتا ہی کوئی مجھے سمجھا سکتا ہے کہ یہ چکر کیا ہی زرین خان کی پوسٹ پر کئی مداحوں اور سوشل میڈیا صارفین نے ان کے حق میں آواز بلند کی تو کئی نے سماجی رابطے کی ویٹ سائٹس پر بڑھتی بدتمیزی پر تشویش کا اظہار کیا اور ساتھ ہی مشورہ دیا کہ ٹرولز کو نظر انداز کریں۔اداکارہ نے 2010 میں سلمان خان کے مقابل فلم ویر سے ڈیبیو کیا تھا، جس کے بعد انہوں نے ہائوس فل 2، ہیٹ اسٹوری 3 اور اکثر 2 جیسی فلموں میں پرفارمنس دی جبکہ ان کی آخری فلم 2021 میں ’’ہم بھی اکیلے تم بھی اکیلے‘‘ ریلیز ہوئی تھی۔