ختم نبوتؐ مسلمانوں کا دین وایمان ہے ، سمعیہ ساجد راجہ

ہفتہ 14 ستمبر 2024 21:44

مظفرآباد (اُردو پوائنٹ اخبارتازہ ترین - اے پی پی۔ 14 ستمبر2024ء) مسلم کانفرنس خواتین ونگ مرکزی چیئرمین ، ٹکٹ ہولڈر ویلی 6وچیئرپرسن کشمیر ویمن الرٹ فورم (کواف) سمعیہ ساجد راجہ نے کہا ہے ختم نبوتؐ مسلمانوں کا دین وایمان ااور اس عقیدے پر کمپرومائز پر کوئی شخص مسلمان نہیں ہو سکتا۔ ان خیالات کا اظہا ر انھوں نے میڈیا سے گفتگوکرتے ہوئے کیا ۔انہوں نے کہا کہ ختم نبوتؐ کے تخفظ اور احترام کو قانونی اور آئینی شکل دینے کا سہراآزاد کشمیر اسمبلی اور مجاہد اول سردار عبد القیوم خان کو حاصل ہے جن کی سرپرستی میں ستر کی دہائی میں آزادکشمیر اسمبلی نے قادیانیوں کو غیر مسلم قرار دینے کی قرداد منظور کی او ر اس کی پیروی میں قومی اسمبلی میں اس سو سالہ پرانے فتنے کو قانونی اور آئینی طور پر ہمیشہ کیلئے حل کرنے کا راستہ اختیار کیا ۔

(جاری ہے)

انہوں نے کہا کہ دنیا کو اس حقیقت کو سمجھ لینا چاہیے کہ نبی کریؐم کا مسلمانوں کے دل میں مقام کیا ہے او ر وہ اس مقام کے تخفظ کی خاطر اپنی جانیں قربان کر سکتے ہیں،آزادکشمیر کی عوام نے ہمیشہ ختم نبوت کی حرمت کو دل و جان سے تسلیم کیا ہے اور اس کے تحفظ کے لیے ہر قسم کی قربانی دی ہے۔ اس عقیدے کی اہمیت کا اندازہ اس بات سے لگایا جا سکتا ہے کہ مسلمانوں کے ایمان کی بنیاد اسی پر ہے۔ ہم سب کا فرض ہے کہ ہم اس عقیدے کی اہمیت کو سمجھیں اور اس کے خلاف ہونے والی کسی بھی سازش کا بھرپور جواب دیں۔ہمیں آج کے دن اس عہد کو تازہ کرنا ہے کہ ہم عقیدہ ختم نبوت ؐکی حفاظت اور اسلام کی سربلندی کے لیے متحد رہیں گے۔ اللہ تعالیٰ ہمیں اس راستے پر ثابت قدم رکھے اور ہمارے ایمان کی حفاظت فرمائے۔

Facebook Twitter Google + Share on Whatsapp

ختم نبوتؐ مسلمانوں کا دین وایمان ہے ، سمعیہ ساجد راجہ

متعلقہ عنوان :

مزید کشمیر کی خبریں