Live Updates

وزیرِاعظم شہبازشریف کا مہنگائی کی شرح 44 ماہ کی کم ترین سطح پر آنے پر اظہار اطمینان

پچھلے 34 ماہ میں پہلی مرتبہ مہنگائی کی شرح 9.6 فیصد آئی، 2025 تک مہنگائی کی شرح کو 7 فیصد تک لانے کا ہدف ہے، پاکستان کو ڈیفالٹ کرنے والوں کا منصوبہ ناکام ہوا۔ وزیرِاعظم محمد شہبازشریف

ثنااللہ ناگرہ منگل 1 اکتوبر 2024 19:20

وزیرِاعظم شہبازشریف کا مہنگائی کی شرح 44 ماہ کی کم ترین سطح پر آنے پر ..

اسلام آباد (اُردو پوائنٹ اخبارتازہ ترین۔ 01 اکتوبر2024ء) وزیرِاعظم محمد شہباز شریف نے مہنگائی کی شرح 44 ماہ کی کم ترین سطح پر آنے پر اظہار اطمینان کیا ہے، انہوں نے کہا کہ 2025 تک مہنگائی کی شرح کو 7 فیصد تک لانے کا ہدف ہے، پاکستان کو ڈیفالٹ کرنے والوں کا منصوبہ ناکام ہوا۔ انہوں نے اپنے پیغام میں کہا کہ وزیرِ اعظم محمد شہباز شریف نے مہنگائی کی شرح 44 ماہ کی کم ترین سطح پر آنے پر اظہار تشکر کرتے ہوئے مہنگائی کی ماہ ستمبر میں سالانہ شرح 9.6 فیصد ہونے پر حکومت کی معاشی ٹیم کی پذیرائی کی۔

اگست 2024 میں 34 ماہ میں پہلی مرتبہ پاکستان میں مہنگائی کی شرح 9.6 فیصد آئی، ستمبر 2024 میں گزشتہ 44 ماہ میں مہنگائی کی کم ترین شرح، 6.9 فیصد ریکارڈ کی گئی۔ شہبازشریف نے کہا کہ اللہ کے فضل و کرم سے عوام سے کئے گئے عہد کی پاسداری میں کامیابی ملنا شروع ہو گئی، مہنگائی کی شرح 6.9 فیصد ہونے سے عام آدمی کو ریلف ملے گا۔

(جاری ہے)

پیٹرولیم مصنوعات کی قیمتوں میں بھی متواتر کمی سے عوام کو ریلیف مل رہا ہے، شرح سود کم ہونے سے ملک میں کاروباری سرگرمیوں میں اضافہ ہوگا۔

شہبازشریف نے کہا کہ مہنگائی کی شرح کو 2025 تک 7 فیصد تک لانے کے ہدف کا 2024 میں ہی حصول قابل ستائش ہے۔ پہلے دن سے عوامی ریلیف کیلئے اقدامات کو اولین ترجیح بنایا، پاکستان کے ڈیفالٹ کی خواہش کرنے والوں کا منصوبہ ناکام ہوا۔ شہبازشریف نے کہاکہ پوری قوم نے گزشتہ برسوں میں ایک گروہ کی نااہلی کی وجہ سے مشکلات کاٹیں، ملکی معیشت مستحکم، سفارتی تعلقات مضبوط اور عام آدمی کی خوشحالی کا سفر شروع ہوچکا۔ وزیر اعظم نے کہا کہ آئی ایم ایف پروگرام کے اجراء سے معیشت میں مزید استحکام آئے گا۔ وزیر اعظم نے کہا کہ پاکستان کی ترقی کا سفر 2018 میں جہاں رکا تھا، وہیں سے دوبارہ شروع ہو چکا۔