وزیر اعلی ٰمریم نواز کے ویژن کے مطابق پنجاب حکومت عوامی فلاح کےلئے مسلسل کوشاں ہے،عامر طلال گوپانگ

بدھ 20 نومبر 2024 15:21

مظفرگڑھ (اُردو پوائنٹ اخبارتازہ ترین - اے پی پی۔ 20 نومبر2024ء) چیئرمین ضلعی رابطہ کمیٹی و ممبر قومی اسمبلی عامر طلال گوپانگ نے کہا ہے کہ وزیر اعلیٰ پنجاب مریم نواز کے ویژن کے مطابق تعمیر ترقی اور عوام کی فلاح و بہبود کےلئے پنجاب حکومت مسلسل کوشاں ہے۔ صوبائی اور قومی حلقوں کی سطح پر عوام کی فلاح کئے لئے ترقیاتی منصوبوں پر کام جاری ہے۔ یہ بات انہوں نے ضلعی رابطہ کمیٹی کے اجلاس کی صدارت کرتے ہوئےکہی۔

اجلاس میں ڈپٹی کمشنر قراۃ العین میمن اور ممبر قومی اسمبلی نوابزادہ افتخار احمد، ممبران صوبائی اسمبلی محمد اجمل خان چانڈیہ، عون حمید ڈوگر، محمد نواب خان اور سبطین رضا بخاری بھی ان کے ہمراہ تھے۔ اجلاس میں ضلع کے 2 قومی اور6صوبائی حلقوں میں ترقیاتی منصوبوں کو پیش کئےگئے۔

(جاری ہے)

ممبران قومی اسمبلی اور ممبران صوبائی اسمبلی کی طرف سے مجموعی طور پر 82 ترقیاتی منصوبے پیش کئے گئے۔

82 ترقیاتی منصوبوں کا مجموعی طور پر 2ارب 40 کروڑ روپے تخمینہ لگایا گیا ہے۔ترقیاتی منصوبوں میں رابطہ سٹرکوں کی تعمیرو مرمت، سیویج ، پینے کے صاف پانی کی فراہمی جیسے منصوبے شامل ہیں۔اجلاس میں ممبر قومی اسمبلی عامر طلال گوپانگ کی طرف سے 9 ترقیاتی منصوبے پیش کئے گئے جن کی مجموعی لاگت30 کروڑ روپے ہے۔ ممبر قومی اسمبلی نوابزادہ افتخار کی طرے سے 9 ترقیاتی منصوبے پیش کئے گئے جن کی مجموعی لاگت 30 کروڑ روپے ہے۔

ممبر صوبائی اسمبلی اجمل خان چانڈیہ کی طرف سے 11 ترقیاتی منصوبے پیش کئے گئے جن کی مجموعی لاگت 30 کروڑ روپے ہے۔ممبر صوبائی اسمبلی عون حمید ڈوگر کی طرف سے 13 ترقیاتی منصوبے پیش کئے گئے جن کی مجموعی لاگت 30 کروڑ روپے ہے۔ممبر صوبائی اسمبلی رانا عبدالمنان کی طرف سے 10 ترقیاتی منصوبے پیش کئے گئے جن کی مجموعی لاگت 30 کروڑ روپے ہے۔ممبر صوبائی اسمبلی سبطین رضا بخاری کی طرف سے 11 ترقیاتی منصوبے پیش کئے گئے جن کی مجموعی لاگت 30 کروڑ روپے ہے۔ مخدوم باسط سلطان بخاری کی طرف سے 7 ترقیاتی منصوبے پیش کئے گئے جن کی مجموعی لاگے30 کروڑ روپے ہے۔ \378