Live Updates

24 گھنٹوں کے دوران پی ٹی آئی راہنماﺅں، عہدیداروں کے متعدد کاروبار سیل

سیل کیے گئے دکانوں میں پیٹرول پمپ، نجی ہاﺅسنگ کالونیاں، پولٹری فارمز، دکانیں وغیرہ شامل ہیں.رپورٹ

میاں محمد ندیم جمعہ 29 نومبر 2024 17:30

24 گھنٹوں کے دوران پی ٹی آئی راہنماﺅں، عہدیداروں کے متعدد کاروبار سیل

اسلام آباد/لاہور(اردوپوائنٹ اخبارتازہ ترین-انٹرنیشنل پریس ایجنسی۔29 نومبر۔2024 ) ضلعی انتظامیہ نے 24 گھنٹوں کے دوران پی ٹی آئی راہنماﺅں اور علاقائی عہدیداروں کے متعدد کاروبار سیل کر دئیے سیل کیے گئے دکانوں میں پیٹرول پمپ، نجی ہاﺅسنگ کالونیاں، پولٹری فارمز، دکانیں وغیرہ شامل ہیں.

(جاری ہے)

رپورٹ کے مطابق قومی شاہراہ پر پی ٹی آئی کے ایم این اے رائے حسن نواز کے پیٹرول پمپ اور چک 120/12-L چیچہ وطنی کے رائے احمد نواز ٹان کے فلنگ اسٹیشن کو مقامی اسسٹنٹ کمشنر نے سیل کر دیا ہے رپورٹ میں کہا گیا ہے کہ پی ٹی آئی کے مرکزی رہنما شکیل خان نیازی اور ساہیوال کے سابق میئر اسد خان بلوچ اور پی ٹی آئی کے ضلعی صدر رانا آفتاب کے ڈی پی او چوک، جی ٹی روڈ اور سٹی احاطے میں بالترتیب فلنگ اسٹیشن سیل کر دیے گئے.

قومی اسمبلی کے حلقہ این اے 141 سے پی ٹی آئی کے ٹکٹ ہولڈر رانا عامر شہزاد کا آئرس ہوٹل اور آئرس ریزورٹ بھی سیل کر دیا گیا مقامی رئیل اسٹیٹ ٹائیکون اور ہاﺅسنگ سکیم جیون سٹی کے مالک چوہدری آصف کا دفتر بھی مڈھلی روڈ پر سیل کر دیا گیا ڈسٹرکٹ پلاننگ آفیسر جاوید انور گوندل نے بتایا کہ انہوں نے ایسی ہاﺅسنگ کالونیوں کو سیل کر دیا ہے جنہوں نے میٹروپولیٹن کارپوریشن یا ڈسٹرکٹ کونسل کو این او سی کے لیے اپنے واجبات ادا نہیں کیے تھے.

انہوں نے کہا کہ اڈا شبیل اور الرحمان ٹان چک 142/9-L میں واقع الحرام ولاز کو بھی سیل کیا گیا جبکہ شہباز ڈھکو فیملی کے پولٹری شیڈ کو بھی مقامی انتظامیہ نے سیل کر دیا گوندل نے واضح کیا کہ غیر قانونی ہاسنگ سوسائٹیوں اور عمارتوں کے خلاف آپریشن ڈپٹی کمشنر کی ہدایت پر بغیر کسی مخصوص ایجنڈے کے پورے بورڈ میں شروع کیا گیا.