باغبان ترشاوہ پھلوں کی برداشت کے بعد پھل کو گریڈنگ کرکے مارکیٹ بھجوائیں،ترجمان

منگل 7 جنوری 2025 16:47

فیصل آباد (اُردو پوائنٹ اخبارتازہ ترین - اے پی پی۔ 07 جنوری2025ء) سٹرس ریسرچ انسٹیٹیوٹ کے ماہرین نے باغبانوں اور کاشتکاروں کو ہدایت کی ہے کہ وہ تر شا وہ پھلوں کی برداشت کے بعد پھل کو گریڈ نگ کر کے مارکیٹ بھجوائیں کیونکہ اکثراوقات پھل کوسیزن کے شروع میں توڑ لیا جا تا ہے جبکہ پھل ابھی پوری طرح تیار نہیں ہو تاجس سے پھل کی فعلیاتی اور تجارتی پختگی دونوں متاثر ہوتی ہیں نیزپھل جسامت میں کم، رنگت میں سبز اور بیرونی دلکشی و جازبیت سے محروم ہو نے کی وجہ سے مارکیٹ میں مناسب قیمت حاصل نہیں کر سکتا۔

انہوں نے کہاکہ پھلوں کو پودوں سے توڑنے کے بعد ایک اہم عمل ان کی درجہ بندی ہے جس میں پھلوں کو ایک چٹائی پر یا فیکٹری میں کنویئر بیلٹ پر چھانٹا اور مختلف گروہوں یا گریڈز میں تقسیم کیا جاتا ہے۔

(جاری ہے)

انہوں نے کہاکہ پھلوں کی درجہ بندی کیلئے پھل کا سائز، بیماری سے پاک ہو نا، جلد کا صاف اور مضبوط ہو نا اور رنگت کو محلوظ خاطر رکھنا ضروری ہے۔انہوں نے کہاکہ عالمی مارکیٹ کے معیار کے مطابق پھلوں کو تین گریڈز لاثانی، اول اور دوم درجہ میں تقسیم کیا جاتاہے اورگریڈنگ کے بعد پھلوں کی پیکنگ کا عمل انتہائی اہم ہے۔

انہوں نے کہاکہ پھلوں کی پیکنگ سے پھل خوبصورت اور دلکش ہونے کے علاوہ اس کی عمر میں بھی اضافہ ہوتاہے۔انہوں نے بتایا کہ کنو کی کچھ پیداوار سٹرس گریننگ اور وائرس کی نذر ہونے لگی ہے جس پر قابو پانے کیلئے فوری اقدامات کی ضرورت ہے اور اس ضمن میں پاکستانی زرعی ماہرین اور زرعی سائنسدانوں کو بین الاقوامی ماہرین کی ریسر چ سے استفادہ کرتے ہوئے وائرس کے قدرتی طریقہ انسداد پر خصوصی توجہ مرکو زکرناہو گی۔

Facebook Twitter Google + Share on Whatsapp

باغبان ترشاوہ پھلوں کی برداشت کے بعد پھل کو گریڈنگ کرکے مارکیٹ بھجوائیں،ترجمان

مزید زراعت کی خبریں