سب میرین کیبل میں خرابی، پی ٹی سی ایل نے اضافی بینڈوتھ کا انتظام کرلیا

اضافی بینڈوتھ کے انتظام سے انٹرنیٹ کی صورتحال بہترہورہی ہے،ترجمان

جمعہ 10 جنوری 2025 22:00

سب میرین کیبل میں خرابی، پی ٹی سی ایل نے اضافی بینڈوتھ کا انتظام کرلیا

اسلام آباد(اُردو پوائنٹ اخبارتازہ ترین - این این آئی۔ 10 جنوری2025ء)پی ٹی سی ایل نے سب میرین کیبل اے اے ای ون میں خرابی پر اضافی بینڈوتھ کا انتظام کرلیا۔

(جاری ہے)

ترجمان پی ٹی سی ایل کے مطابق اضافی بینڈوتھ کے انتظام سے انٹرنیٹ کی صورتحال بہتر ہورہی ہے، واضح بھی کردیا کہ کچھ صارفین کو میٹا سروسز میں سست روی کا سامنا کرنا پڑسکتا ہے۔ترجمان کے مطابق رش کے گھنٹوں میں فیس بک، واٹس ایپ، انسٹاگرام سست روی کاشکار ہوسکتی ہیں۔ ترجمان نے بتایاکہ وزارت آئی ٹی، پی ٹی اے اور پی ٹی سی ایل سے مل کر نگرانی کی جا رہی ہے، آنے والے دنوں میں انٹرنیٹ مکمل بحال کردیاجائے گا۔