اسلام آباد ہائیکورٹ، منی لانڈرنگ کیس ملزم سے پیسہ باہر لے جانے بارے منی ٹریل کے ثبوت طلب

منی ٹریل ثابت کرنا تو بہت مشکل کام ،منی ٹریل کا ثبوت تو جسٹس قاضی فائز عیسی بھی پیش نہیں کر سکے تھے، ریمارکس

پیر 20 جنوری 2025 21:05

اسلام آباد (اُردو پوائنٹ اخبارتازہ ترین - این این آئی۔ 20 جنوری2025ء) اسلام آباد ہائی کورٹ نے منی لانڈرنگ کیس کے ملزم سے پیسہ باہر لے جانے سے متعلق منی ٹریل کے ثبوت مانگتے ہوئے ریمارکس دیئے کہ منی ٹریل ثابت کرنا تو بہت مشکل کام ہے، منی ٹریل کا ثبوت تو جسٹس قاضی فائز عیسی بھی پیش نہیں کر سکے تھے۔

(جاری ہے)

پیر کو اسلام آباد ہائی کورٹ میں جسٹس محسن اختر کیانی نے ایک شہری ڈاکٹر تاشفین خان کی مبینہ منی لانڈرنگ پرنیب کے کال اپ نوٹس کے خلاف درخواست پر سماعت کی۔

پٹیشنر کے وکیل نے عدالت کو بتایا کہ ہم قانونی طریقے سے پیسہ باہر لے کر گئے ہیں، منی ٹریل موجود ہے، عدالت نے کہا منی ٹریل کا ثبوت لائیں تو میں درخواست منظور کر لوں گا۔جسٹس محسن اختر کیانی نے ریمارکس دیئے منی ٹریل ثابت کرنا تو بہت مشکل کام ہے، منی ٹریل کا ثبوت تو جسٹس قاضی فائز عیسی بھی پیش نہیں کر سکے تھے۔ بعد ازاں عدالت نے کیس کی سماعت 30 جنوری تک ملتوی کردی۔