بانی پی ٹی آئی کی مجھ سے ملاقات سے انکار کی خبرجھوٹ ہے، شیرافضل مروت

جعلی خبریں میرے خلاف دی گئیں، میڈیا سے پندرہ دن دور رہوں گا، پی ٹی آئی رہنماء

جمعہ 24 جنوری 2025 23:18

بانی پی ٹی آئی کی مجھ سے ملاقات سے انکار کی خبرجھوٹ ہے، شیرافضل مروت

اسلام آباد(اُردو پوائنٹ اخبارتازہ ترین - این این آئی۔ 24 جنوری2025ء) پی ٹی آئی کے رکن اسمبلی شیر افضل مروت نے بانی پی ٹی آئی کی ان سے ملاقات سے انکار کی خبر کو جھوٹ قرار دے دیا۔

(جاری ہے)

شیر افضل مروت نے پارلیمنٹ کے باہر میڈیا سے گفتگو کرتے ہوئے کہا کہ میڈیا کے ساتھ پیکا ایکٹ پر اظہار یکجہتی کرتا ہوں، گزشتہ روز سب چینلز نے کہا کہ بانی پی ٹی آئی نے شیر افضل مروت کو ملنے سے اور آنے سے منع کردیا، جو خبر جھوٹ ہے اس پر میرا کوئی موقف لینا بھی گوارا نہیں کیا۔

شیر افضل مروت نے کہا کہ میں تنہا ہی بہتر ہوں عزت نفس سے زیادہ مجھے کچھ عزیر نہیں ہے، ایسی باتیں پھیلانے سے میرے لوگوں کے دل میں میل پیدا ہوتا ہے۔انہوں نے کہا کہ مجھے خان سے ملنے پہلے بھی نہیں دیا جاتا تھا اب بھی نہیں دیا گیا، جعلی خبریں میرے خلاف دی گئیں، میں میڈیا سے پندرہ دن دور رہوں گا۔