محکمہ زراعت کی بہاریہ مکئی کیلئے کھادوں کے استعمال بارے سفارشات جاری

منگل 4 فروری 2025 17:10

سیالکوٹ (اُردو پوائنٹ اخبارتازہ ترین - اے پی پی۔ 04 فروری2025ء) محکمہ زراعت نے بہاریہ مکئی کیلئے کھادوں کے استعمال بارے سفارشات جاری کر دیں ہیں۔ڈپٹی ڈائریکٹر پیسٹ وارننگ و کوالٹی کنٹرول آف پیسٹیسائیڈز سیالکوٹ ڈاکٹر مقصود احمد نے کہا ہے کہ بہاریہ مکئی کے کاشتکارہائبرڈ اقسام کے لئے کمزور زمین میں بوقت بوائی تین بوری ڈی اے پی بمع دوبوری ایس او پی اور ایک چوتھائی بوری یوریا استعمال کریں۔

(جاری ہے)

درمیانی زمین کے لئے اڑھائی بوری ڈی اے پی+ ڈیرھ بوری ایس او پی جبکہ زرخیز زمین میں بوقت بوائی دو بوری ڈی اے پی بمع ایک بوری ایس او پی استعمال کریں۔ انہوں نے مزید کہا کہ مکئی کی عام اقسام کے لئے بوقت بوائی کمزور زمین میں اڑھائی بوری ڈی اے پی بمع ڈیڑھ بوری ایس او پی جبکہ درمیانی زمین میں ڈیڑھ بوری ڈی اے پی بمع ڈیڑھ بوری ایس او پی۔اس کے علاوہ زرخیز زمین میں ڈیرھ بوری ڈی اے پی بمع ایک بوری ایس او پی استعمال کریں۔بہاریہ مکئی کیلئے متوازن اور متناسب کھادوں کے استعمال سے فصل کی فی ایکڑ پیداوار میں اضافہ ہوتا ہے۔ کھاد کے استعمال کیلئے بہتر ہے کاشتکار پہلے اپنی زمین کی مٹی کا تجزیہ کرا لیں۔

متعلقہ عنوان :