مسمی،مالٹا،کینو،کاغذی لیموں،فروٹر،شگری،میٹھا، ویلنشیا، گریپ فروٹ کے نئے پودے لگانے کیلئے فروری و مارچ موزوں قرار

جمعرات 6 فروری 2025 14:02

فیصل آباد (اُردو پوائنٹ اخبارتازہ ترین - اے پی پی۔ 06 فروری2025ء) سٹرس ریسرچ انسٹیٹیوٹ آری کے ترجمان نے باغبانوں کو ہدایت کی ہے کہ ترشاوہ پھلوں کے باغبان فروری کے آخری ہفتہ سے لیکر مارچ کے مہینہ کے دوران نئے پودے لگانے کا عمل مکمل کرلیں اور مسمی، مالٹا،فروٹر، کینو،کاغذی لیموں،شگری،میٹھا، ویلنشیا، گریپ فروٹ کے باغات لگانے کیلئے صحت مند بیجوں کا انتخاب کریں اور اس کیلئے اچھی نرسریوں سے اعلیٰ نسل کے پودوں کا حصول بھی یقینی بنایا جائے تاکہ باغات بہترین پھل فراہم کرسکیں۔

انہوں نے کہا کہ اگر یہ عمل فروری میں شروع کرکے مارچ کے مہینہ کے اندر اندر مکمل کر لیا جائے تو پودوں کی بڑھوتری زیادہ بہتر انداز میں ہوسکتی ہے۔ انہوں نے کہا کہ نئے باغات لگانے کیلئے زمین میں کیمیائی تعامل،ہوا اور پانی کا نکاس اچھا ہونا چاہئے۔

(جاری ہے)

انہوں نے کہا کہ اگر زیر زمین سطح آب5 میٹر یا اس سے زیادہ وہاں بہترین پودے پرورش پاسکتے ہیں۔

ا نہوں نے کہا کہ صحتمند روٹ سٹاک کا انتخاب کرتے ہوئے درمیانے قد کے پودے جن کی عمر3 سے سال زیادہ نہ ہو کی بوائی بہتر پیداوار فراہم کرسکتی ہے۔ انہوں نے کہا کہ ترشاوہ پھلوں کی پیوند کاری بھی ضروری ہے۔ انہوں نے مزید کہا کہ پودے کو تھرپس، سکیل، ملی بگ اور دیگر بیماریوں سے پاک ہونا چاہئے۔ انہوں نے پودے لگانے کے بعد ماہرین کے مشورہ سے آبپاشی کی ضرورت پر بھی زور دیا۔

Facebook Twitter Google + Share on Whatsapp

مسمی،مالٹا،کینو،کاغذی لیموں،فروٹر،شگری،میٹھا، ویلنشیا، گریپ فروٹ کے نئے پودے لگانے کیلئے فروری و مارچ موزوں قرار

متعلقہ عنوان :

مزید زراعت کی خبریں