مویشی پال حضرات کو تمام ممکن سہولیات فراہم کر رہے ہیں،ڈپٹی ڈائریکٹر لائیو سٹاک و ڈیری ڈویلپمنٹ پسرور

جمعرات 6 فروری 2025 17:15

سیالکوٹ (اُردو پوائنٹ اخبارتازہ ترین - اے پی پی۔ 06 فروری2025ء) ڈپٹی ڈائریکٹر لائیو سٹاک و ڈیری ڈویلپمنٹ پسرور ڈاکٹر عقیل سہیل نے کہا ہے کہ محکمہ لائیو سٹاک مویشی پال حضرات کو دودھ و گوشت کی بہترین پیداوار کے حصول کیلئے تمام ممکن سہولیات فراہم کر رہا ہے۔ ان خیالات کا اظہار انہوں نے پیر کو ’’اے پی پی ‘‘سے گفتگو کرتے ہوئے کیا۔

(جاری ہے)

انہوں نے کہا کہ ان سہولیات سے فائدہ اٹھا کر مویشی پال حضرات گوشت اور دودھ کی پیداوار میں اضافہ سمیت معاشی ترقی و اقتصادی استحکام میں معاون ثابت ہو سکتے ہیں اور ملکی غذائی ضروریات پوری کرنے کے ساتھ ساتھ اضافی دودھ و گوشت اور اس سے تیار ہونے والی دیگر مصنوعات برآمد کر کے قیمتی زرمبادلہ بھی کمایا جا سکتا ہے۔

انہوں نے کہا کہ جانوروں خصوصاً دودھ دینے والے مویشیوں کو تازہ چارہ اور وافر مقدار میں پانی کی فراہمی اشد ضروری ہے کیونکہ اس سے جہاں مویشیوں کو کئی بیماریوں سے بچایا جا سکتا ہے وہیں دودھیل جانوروں کی دودھ کی پیداوار میں بھی اضافہ ممکن ہے جبکہ اس عمل سے جانوروں کی بہتر افزائش نسل بھی ہوسکتی ہے۔ انہوں نے کہا کہ محکمہ لائیوسٹاک و ڈیری ڈویلپمنٹ نے اس سلسلہ میں ایک فری ہیلپ لائن بھی قائم کررکھی ہے لہٰذا مویشی پال حضرات اس سلسلہ میں رابطہ کر سکتے ہیں۔