خیبرپختونخوا کے چاراضلاع میں صحت سہولت کارڈ میں فری او پی ڈی شامل

جمعہ 7 فروری 2025 15:34

پشاور (اُردو پوائنٹ اخبارتازہ ترین - اے پی پی۔ 07 فروری2025ء) خیبرپختونخوا حکومت کی جانب سے ابتدائی طور پر صوبے کے چار اضلاع میں صحت سہولت کارڈ میں فری او پی ڈی شامل کرلی گئی۔ خیبرپختونخوا حکومت نے چار اضلاع میں نادار مریضوں کو او پی ڈی کی مفت سہولت فراہم کرنے کا فیصلہ کیا تھا ۔

(جاری ہے)

صحت کارڈ کا پائلٹ پر اجیکٹ مردان، مالاکنڈ، کوہاٹ اور چترال میں شروع کیا جائے گا۔منصوبے کے تحت سرکاری و نجی ہسپتالوں میں نادار مریضوں کو مفت ادویات، ٹیسٹ سمیت دیگر سہولیات فراہم کی جائیں گی۔ اس کے علاوہ مفت او پی ڈی کے لئے جرمن حکومت نے دو ارب روپے امداد دی ہے۔صوبائی مشیر صحت احتشام علی نے بتایا کہ صحت کارڈ میں او پی ڈی سہولت کو مرحلہ وار دیگر اضلاع تک توسیع دی جائے گی ۔