خبرسنسنی اورمبالغہ آرائی پر مبنی، کارروائی کرونگا ،سونو سود

ہفتہ 8 فروری 2025 20:35

ممبئی (اُردو پوائنٹ اخبارتازہ ترین - این این آئی۔ 08 فروری2025ء)بھارتی اداکار سونو سود نے کہا ہے کہ مشہور لوگ آسان ہدف ہوتے ہیں، میرے بارے خبر سنسنی اور مبالغہ آرائی پر مبنی ہے، معاملے پر سخت کارروائی کروں گا۔سوشل میڈیا پر اداکار نے مبینہ فراڈ کیس میں وارنٹ گرفتاری کے اجرا ء کی خبر کوسنسنی خیز قرار دیتے ہوئے کہا کہ اس میں مبالغہ آرائی سے کام لیا گیا ہے۔

(جاری ہے)

سونو سود نے کہا کہ درست معاملہ یہ ہے کہ ہمیں کیس میں گواہ کے طور پر طلب کیا گیا، ہمارا اس معاملے سے کوئی تعلق ہے نہ ہی وابستگی ہے۔اداکار نے کہا کہ ہمارے وکلا 10فروری کو جواب دیں، معاملے کو صرف غیر ضروری میڈیا توجہ حاصل کرنے کیلئے پھیلایا جارہا ہے۔انہوں نے کہا کہ دراصل مشہور لوگ آسان ہدف ہوتے ہیں، مبالغہ آرائی پر مبنی خبر کے معاملے میں سخت کارروائی کریں گے۔