رحمان ملک کی تیسری برسی23 فروری کو منائی جائے گی

جمعرات 13 فروری 2025 22:49

جڑانوالہ (اُردو پوائنٹ اخبارتازہ ترین - آن لائن۔ 13 فروری2025ء) سابق وفاقی وزیر داخلہ رحمان ملک مرحوم کی تیسری برسی23 فروری کو منائی جائے گی۔ رحمان ملک12دسمبر 1951 کو سیالکوٹ کے نواحی علاقے ججے سائیاں میں پیدا ہوئے۔انہوں نے کراچی یونیورسٹی سے ایم ایس سی شماریات کی ڈگری حاصل کی اور انہیں کراچی یونیورسٹی نے پی ایچ ڈی کی اعزازی ڈگری بھی دی۔

(جاری ہے)

رحمان ملک کو پیپلز پارٹی کی طرف سے 2018 سے سینیٹ کی رکنیت دی گئی تھی۔

اس سے قبل وہ 2008 سے 2013 تک پاکستان کے وزیر داخلہ بھی رہے۔ وہ ایف آئی اے میں اہم عہدے پر بھی فائز رہے۔ سینیٹر رحمان ملک کو ان کی بہترین کارکردگی کی بنا پر حکومت پاکستان کی جانب سے ستارہ شجاعت اور نشان امتیاز سے بھی نوازا گیاتھا۔رحمان ملک 23فروری2022ئکو کورونا کے باعث70برس کی عمر میں انتقال کر گئے تھے۔

Facebook Twitter Google + Share on Whatsapp

رحمان ملک کی تیسری برسی23 فروری کو منائی جائے گی

متعلقہ عنوان :

مزید قومی خبریں