10 میں سے 9 وکلاء اڈیالہ جیل کان بھرنے جاتے ہیں، شیرافضل مروت

جمعہ 14 فروری 2025 23:15

اسلام آباد (اُردو پوائنٹ اخبارتازہ ترین - این این آئی۔ 14 فروری2025ء)رکنِ قومی اسمبلی شیر افضل مروت نے کہا ہے کہ اڈیالہ جیل جانے والے 10 میں سی9 وکلاء کان بھرنے کے لیے جاتے ہیں۔میڈیا سے گفتگو کرتے ہوئے انہوںنے کہاکہ جو وکلاء اڈیالہ جاتے ہیں ان میں بانی پی ٹی آئی کا وکیل بھلا کون ہی 10 میں سے صرف 1 بانی پی ٹی آئی کا وکیل ہوتا ہے جبکہ باقی 9 کان بھرنے کے لیے جاتے ہیں۔

(جاری ہے)

شیر افضل مروت نے کہا کہ میں چیلنج کرتا ہوں کہ جو نامور وکلاء میڈیا پر نظر آتے ہیں، کسی عدالت میں اپ کو یہ وکیل کے طور پر نظر نہیں آئیں گے۔انہوںنے کہاکہ ان وکلاء نے بنیادی طور پر پیغام رسانی کا کام شروع کیا ہوا ہے، وکلاء جا کر بانی پی ٹی آئی کو شکایات لگاتے ہیں، ایک وکیل کہتا ہے کہ آپ کے خلاف بیان دے دیا گیا، دوسرا وکیل پہلے وکیل کی تائید کر دیتا ہے، تیسرا وکیل دعویٰ کر دیتا ہے کہ میں نے بھی ذرائع سے کنفرم کیا ہے بات درست ہے۔کیا بانی پی ٹی آئی اتنی جلدی بات پر یقین کر لیتے ہیں صحافی کے اس سوال پر رکنِ قومی اسمبلی شیر افضل مروت نے کہا کہ یہ لوگ بانی پی ٹی آئی کے مزاج کو اچھے طریقے سے جانتے ہیں۔