سابق وزیر داخلہ سینیٹر رحمان ملک کی تیسری برسی 23فروری کو منائی جائے گی

پیر 17 فروری 2025 11:05

مکوآنہ(اُردو پوائنٹ اخبارتازہ ترین - این این آئی۔ 17 فروری2025ء) سابق وزیر داخلہ سینیٹر رحمان ملک کی تیسری برسی 23فروری کو منائی جائے گی ۔رحمان ملک12دسمبر 1951 کو سیالکوٹ میں پیدا ہوئے۔ انہوں نے کراچی یونیورسٹی سے ایم ایس سی شماریات کی ڈگری حاصل کی اور انہیں کراچی یونیورسٹی نے پی ایچ ڈی کی اعزازی ڈگری بھی دی۔رحمان ملک کو پیپلز پارٹی کی طرف سے 2018 سے سینیٹ کی رکنیت دی گئی تھی۔

(جاری ہے)

اس سے قبل وہ 2008 سے 2013 تک پاکستان کے وزیر داخلہ بھی رہے۔ سیاست میں آنے والے قبل وہ ایف آئی اے کے سربراہ کا عہدے پر بھی تعینات رہ چکے ہیں،رحمان ملک نے 24فروری2013 کو جہانیاں کا تفصیلی دورہ بھی کیا تھا ۔ سینیٹر رحمان ملک کو ان کے بہترین کارکردگی کے بنیاد پر حکومت پاکستان کی جانب سے ستارہ شجاعت اور نشان امتیاز سے نوازا گیاتھا۔رحمان ملک 23فروری2022 کو کورونا میں مبتلا ہوئے اور ستر برس کی عمر میں انتقال کر گئے۔